MNP - နိုဝင်ဘာ ၆
ရခိုင်ပြည်နယ်၊ အမ်းခရိုင်၊ အမ်းမြို့နယ်တွင် ခရိုင်/မြို့နယ်အဆင့် ဌာနဆိုင်ရာ ဝန်ထမ်းများနှင့် အလှူရှင်များ၏ စုပေါင်းမဟာဘုံကထိန်ပွဲတော်ကို ယမန်နေ့ ညနေ ၃ နာရီအချိန်က မြို့ပေါ်ရပ်ကွက်များသို့ စည်ကားသိုက်မြိုက်စွာ လှည့်လည် ကျင်းပခဲ့သည်။
စုပေါင်းမဟာဘုံကထိန်ပွဲတော်ကို မြို့တွင်းသို့ စီတန်းလှည့်လည်ရာတွင် ခရိုင်/မြို့နယ်ဌာနဆိုင်ရာများ၊ အလှူရှင်များမှ စုပေါင်းလှူဒါန်းသည့် ပဒေသာပင်(၁၅)ပင်နှင့် လှူဖွယ်ဝတ္တုများ၊ သင်္ကန်းများဖြင့် မြို့ပေါ်ရပ်ကွက်အတွင်းသို့ စည်ကားသိုက်မြိုက်စွာ လှည့်လည်ခဲ့ကြသည်။
စုပေါင်းမဟာဘုံကထိန် ဆက်ကပ်လှူဒါန်းပွဲ အခမ်းအနားကို ယနေ့နံနက်(၈)နာရီအချိန်တွင် ရွှေအမ်းတောင်ခန်းမတွင် ကပ်ဒိတ်ကျေးရွာ ဘုန်းတော်ကြီးအား ကထိန်လျာသင်္ကန်းဆက် ကပ်ပြီး ဘုန်းတော်ကြီးကျောင်း(၁၃)ကျောင်းမှ သံဃာတော်များအား ပင့်ဖိတ်၍ ဆက်ကပ် လှူဒါန်းသွားမည်ဖြစ်ကြောင်း သိရှိရသည်။
သတင်း - စိုးမင်းထွန်း
မြန်မာနေရှင်နယ်ပို့စ်
No comments:
Post a Comment