MNP ၊ နိုဝင်ဘာ ၇
ရခိုင်ပြည်နယ်၊ ရမ်းဗြဲမြို့တည်ဘုရားရှေ့ဟောင်းသမိုင်းဝင်တန့်ရှင်ပင်စေတီတော်မြတ်၌ တန်ဆောင်မီးထွန်းပွဲတော်နှင့် ဗုဒ္ဓပူဇေနိယပွဲတော်ကို တန့်ရှင်ပင်စေတီတော်မြတ် ဘက်စုံဖွံ့ဖြိုးတိုးတက်ရေးလူငယ်များမှ ဦးဆောင်ပြီး ယမန်နေ့ည ၆ နာရီမှစတင်ပြီးကျင်းပကြသည်။
ထိုသို့ကျင်းပရာတွင် ရှေ့ဟောင်းသမိုင်းဝင် တန့်ရှင်ပင်စေတီတော်သို့တက်ရောက်ရာ လမ်းများနှင့် စေတီတော် ပေါ်သို့ တက်ရောက်ရာလမ်းတစ် လျှောက်တို့တွင် ရောင်မီးအလှများထွန်ညှိပူဇော်ခြင်း စေတီတော်မြတ်၏ ဓမ္မာရုံတွင်ဇမ္ဗူထွန်းအာမခံစိန်ရွှေရတနာရောင်းဝယ်ရေးမိသားစုမှ ရခိုင်မုန့်တီများကို စတုဒီသာကျွေးမွေးခြင်းတို့ဖြင့်ကျင်းပကြရာ မြို့သူမြို့သား ဘုရားဖူးပြည်သူများမှစိတ်အေးချမ်းသာစွာဖြင့် လာရောက်ကြပြီး အလွန်စည်ကားလျက်ရှိသည်။
အဆိုပါ တန်ဆောင်တိုင်မီးထွန်းပွဲနှင့်ဗုဒ္ဓပူဇနိယပွဲတော်ကို ၆-၁၁-၂၀၂၂ ရက်နေ့မှ စတင်ပြီး ၈-၁၁-၂၀၂၂ ရက်နေ့ထိ ၃ ရက်တိုင်တိုင် ကျင်းပထွန်းညှိပူဇော်သွားမည်ဖြစ်ကြောင်း သိရသည်။
အောင်နိုင်
https://t.me/MyanmarNationalPost
No comments:
Post a Comment