MNP ၊ နိုဝင်ဘာ ၂
ရခိုင်ပြည်နယ် ၊ ရသေ့တောင်မြို့နယ်တွင် မြို့မအခြေခံပညာအထက်တန်း(အထက-၁)ဆရာကြီးနှင့် ဆရာ၊ဆရာမများ၊ကျောင်းသားကျောင်းသူများ၊ မိဘဆရာအသင်းများမှ ကြီးမှူးကျင်းပသော (၂၈)ကြိမ် မြောက် ပညာရေးမိသားစု၊ စုပေါင်းမဟာဘုံကထိန်ပွဲတော်လှည့် လည်ပွဲကို ယနေ့ နံနက် ၈နာရီအချိန်က မြို့ပေါ်ရပ်ကွက်များသို့ စည်ကားသိုက်မြိုက်စွာလှည့်လည် ကျင်းပခဲ့သည်။
(၂၈)ကြိမ်မြောက် အထက-၁ပညါရေးမိသားစု၊စုပေါင်းမဟာဘုံကထိန်ပွဲတော် မြို့တွင်းသို့ စီတန်းလှည့်လည်ရာတွင်ဆရာ၊ဆရာမများ၊ကျောင်းသား၊ကျောင်းသူများ၊ ဖိတ်ကြားထားသောကျောင်းသားမိဘများ၊ ရပ်မိရပ်ဖများ မှ စုပေါင်းလှူဒါန်းသည့် ပဒေသာပင်(၁၃)ပင်နှင့် လှူဖွယ်ဝတ္တုများ၊ သင်္ကန်းများဖြင့် မြို့ပေါ်(၄)ရပ်ကွက်အတွင်းသို့စည်ကားသိုက်မြိုက်စွာလှည့်လည် ခဲ့ကြသည်။
အထက -၁ပညာရေးမိသားစု၊ စုပေါင်းမဟာဘုံကထိန် ကပ်လှူပွဲ အခမ်းအနားကို နိုဝင်ဘာ(၂)ရက်နေ့နံနက်(၁၀)နာရီအချိန်တွင် မြို့မအထက -၁၊ ကျောင်းဆောင်သစ်ဦးရှောင်ခန်းမအတွင်း ပုရိမဝါမမှထမြောက်ကြကုန်သော ရဟန်းသံဃာ (၉)ပါးတို့အား ပင့်ဖိတ်၍ ဆက်ကပ်လှူဒါန်းခဲ့ကြောင်း သိရှိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment