MNP ၊ နိုဝင်ဘာ ၂၈
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်တွင် လယ်ယာကဏ္ဍဖွံ့ဖြိုးတိုးတက်ရေး အတွက် ဆောင်းသီးနှံမျိုးစေ့ထုတ်စမ်းသပ်ကွက်စံပြစိုက်ပျိုးကြမည့် တောင်သူများသို့ ဆောင်းသီးနှံ မျိုးကောင်းမျိုးသန့် မျိုးစေ့များပေးအပ်ပွဲအခမ်းအနားကို ယနေ့ နံနက်(၁၀)နာရီအချိန်က မြို့နယ်စိုက်ပျိုးရေး ဦးစီးဌာန ၊ အစည်းအဝေးခန်းမ၌ကျင်းပသည်။
အခမ်းအနားတွင် မြိုနယ်စီမံအုပ်ချုပ်ရေးအဖွဲ့ဥက္ကဌ ဦးဇာနည်တိုး က အမှာစကားပြောကြားပြီး နောက် မြို့နယ်စိုက်ပျိုးရေးဦးစီးဌာန ၊ မြို့နယ်ဦးစီးမှူး ဦးထွန်းသိန်း က မျိုးစေ့ထုတ်စမ်းသပ်စံပြကွက် အတွက် မျိုးစေ့များထောက်ပံ့ရသည့်ရည်ရွယ်ချက်များနှင့်ဆောင်းသီးနှံတစ်ဧကအထွက်နှုန်းတိုးတက်ရေး တို့ အတွက် ရှငိးလင်းဆွေးနွေးသည်။
ထို့နောက် မြို့နယ်စီမံအုပ်ချုပ်ရေးအဖွဲ့ဥက္ကဌ ဦးဇာနည်တိုး နှင့်တာဝန်ရှိသူများက ဆောင်းသီးနှံ စမ်းသပ်စံပြကွက်စိုက်ပျိုးထုတ်လုပ်ကြမည့် ကျေးရွာအုပ်စု(၁၉)စုမှ တောင်သူ(၃၀)ဦးသို့ မြေပဲ ၊ နေကြာ ၊ နှမ်းနှင့် ပဲမျိုးစုံ မျိုးစေ့များကို ထောက်ပံ့ပေးအပ်သည်။
အခမ်းအနားသို့ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဇာနည်တိုး နှင့်အဖွဲဝင်များ ၊ ဌာနဆိုင်ရာများ ၊ တောင်သူများ တက်ရောက်ခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment