MNP - နိုဝင်ဘာ ၅
မကွေးတိုင်းဒေသကြီး၊ သရက်ခရိုင်၊ မင်းလှမြို့၌ ၂၀၂၁-၂၀၂၂ ပညာသင်နှစ် တက္ကသိုလ်ဝင်စာမေးပွဲတွင် ဂုဏ်ထူးရကျောင်းသား၊ ကျောင်းသူများနှင့် ဂုဏ်ထူးရ အောင်သင်ကြားပေးသော ဆရာ/မများအား ဂုဏ်ပြုဆုချီးမြှင့်ပွဲအခမ်းအနားကို နံနက် ၉ နာရီက မင်းလှအခြေခံပညာအထက်တန်းကျောင်း မင်းလက်ဝါးခန်းမ၌ ကျင်းပပြုလုပ်ခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းထွန်းအောင်နှင့် မြို့နယ်ပညာရေးမှူး ဦးဇော်ဝင်းတို့က အဖွင့်အမှာစကားပြောကြားပြီး၊ ကျောင်းအကျိုးတော်ဆောင်နာယက ဒေါက်တာဦးအောင်မြင့်က ပညာရည်ချွန်ဆုပေးပွဲနှင့် ပတ်သက်၍ ရှင်းလင်းပြောကြားခဲ့သည်။ ထို့နောက် မင်းလှအခြေခံပညာအထက်တန်းကျောင်း အုပ်ဆရာမကြီး ဒေါ်ခင်သန်းဌေးက ကျေးဇူးတင်စကားပြောကြားခဲ့သည်။
ယင်းနောက် ၂၀၂၁-၂၀၂၂ ပညာသင်နှစ် တက္ကသိုလ်ဝင်စာမေးပွဲတွင် ဂုဏ်ထူးရကျောင်းသား၊ ကျောင်းသူများနှင့် ဂုဏ်ထူးရအောင်သင်ကြားပေးသော ဆရာ/ဆရာမများအား ဂုဏ်ပြုပွဲကျင်းပ ပြုလုပ်ခဲ့ရာ (၁)ဘာသာဂုဏ်ထူးရ ကျောင်းသား/ကျောင်းသူ (၃၂)ဦး၊ (၂)ဘာသာဂုဏ်ထူး(၂)ဦး၊ (၃)ဘာသာဂုဏ်ထူး(၃)ဦး၊ (၄)ဘာသာဂုဏ်ထူး(၃)ဦးနှင့် ဂုဏ်ထူးရအောင်သင်ကြားပေးခဲ့သော ဆရာ/ဆရာမများအား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် တာဝန်ရှိသူများက ဂုဏ်ပြုဆုများပေးအပ်ချီးမြှင့်ခဲ့ကြောင်း သိရသည်။
သတင်း - ဇာဇာ
မြန်မာနေရှင်နယ်ပို့စ်
No comments:
Post a Comment