MNP - နိုဝင်ဘာ ၁၂
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် တောင်ကြီးခရိုင် ပတ်ဝန်းကျင် ထိန်းသိမ်းရေးဦးစီးဌာနမှ ပတ်ဝန်းကျင်ထိန်းသိမ်းရေးဆိုင်ရာ အသိပညာပေး ဟောပြောပွဲကို ယမန်နေ့ နံနက် ၉ နာရီခွဲအချိန်က လွယ်အွန့်ကျေးရွာအုပ်စု၊ နောင်ခုံးကျေးရွာ အခြေခံပညာအလယ်တန်းကျောင်း(ခွဲ)နှင့် ဟိုပုံးမြို့၊ အမှတ်(၂)အခြေခံပညာ အထက်တန်းကျောင်းတွင် ပြုလုပ်ခဲ့ကြောင်း သိရသည်။
ထို့သို့ဟောပြောရာတွင် တောင်ကြီးခရိုင် ပတ်ဝန်းကျင်ထိန်းသိမ်းရေးဦးစီးဌာနမှ ဦးစီးအရာရှိ ဦးစိန်မောင်ဌေးနှင့် ဝန်ထမ်းများက မီးခိုးမြူငွေ့ညစ်ညမ်းမှုထိန်းချုပ်ရေးဆိုင်ရာ နည်းလမ်းများနှင့် လိုက်နာဆောင်ရွက်သင့်သည့် အချက်များ၊ ပတ်ဝန်းကျင် ထိခိုက်ပျက်စီးလာရခြင်းများ၏ အခြေခံအကြောင်းအရင်းများ ရာသီဥတုပြောင်းလဲမှု ဆိုင်ရာ ဖြစ်စဉ်များနှင့် လျှော့ချရေးနည်းလမ်းများ၊ လိုက်လျောညီထွေစွာ နေထိုင်ရေးနည်းလမ်းများကို ပရိုဂျက်တာဖြင့် အကျယ်တဝင့်ရှင်းလင်း ပြောကြားပြီးနောက် ပတ်ဝန်းကျင်ထိန်းသိမ်းရေးဆိုင်ရာ အသိ ပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment