MNP - နိုဝင်ဘာ ၆
ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်အတွင်း ကျောင်းအုပ်ကြီးများ စီမံခန့်ခွဲမှုစွမ်း ဆောင်ရည်မြင့်မားရေးအတွက် ဖြူးမြို့နယ်ပညာရေးမှူးရုံးမှ ဦးဆောင်၍ အခြေခံပညာ ထက်/လယ်/မူအဆင့် ကျောင်းအုပ်ကြီးများအား အလုပ်ရုံဆွေးနွေးပွဲ မြို့နယ်အဆင့်(ဆင့်ပွား) သင်တန်းကို ယမန်နေ့ နံနက်(၉)နာရီအချိန်က စတင်ကာ အထက(၁)ရာပြည့်ခန်းမတွင် ပြုလုပ်ခဲ့ကြောင်း သိရသည်။
အလုပ်ရုံဆွေးနွေးပွဲဖွင့်ပွဲတွင် ဖြူးမြို့နယ်ပညာရေးမှူး ဒေါ်သီသီကြိုင်က ဆွေးနွေးပွဲ ပြုလုပ် ရခြင်း ရည်ရွယ်ချက်အား ရှင်းလင်းပြောကြားခဲ့ပြီး ဆွေးနွေးပွဲကို ဆက်လက်ပြုလုပ်ခဲ့ကြောင်း သိရသည်။
အဆိုပါ အလုပ်ရုံဆွေးနွေးပွဲတွင် ဖြူးမြို့နယ်ပညာရေးမှူး ဒေါ်သီသီကြိုင်နှင့် ဆရာ(၃)ဦးတို့က ဦးဆောင်ကာ ဖြူးမြို့နယ်အတွင်းရှိ အထက်တန်း/အလယ်တန်း/မူလတန်းအဆင့် ကျောင်းအုပ် ဆရာ/ဆရာမကြီး (၂၃၀)ဦးတို့အား ပညာရေးဆိုင်ရာ ဘာသာရပ်များ၊ စီမံရေး၊ ဘဏ္ဍာရေး၊ ကြီးကြပ်အကဲဖြတ်၊ စီမံကိန်းနှင့် စာရင်းအင်း၊ နိုင်ငံ့ဝန်ထမ်းနည်းဥပဒေများနှင့် အခြား အသိပညာဗဟုသုတရရှိစေရေး ဆောင်ရွက်ပေးမည့် ဘာသာရပ်ဆိုင်ရာများကို (၂)ရက်တိုင် ဆွေးနွေးသွားမည်ဖြစ်ကြောင်း မြို့နယ်ပညာရေးမှူးထံမှ သိရသည်။
သတင်း - နေမျိုးလွင်
မြန်မာနေရှင်နယ်ပို့စ်
No comments:
Post a Comment