MNP ၊ နိုဝင်ဘာ ၁၅
ရခိုင်ပြည်နယ် ၊ မောင်တောမြို့၌ ဘူးသီးတောင်-မောင်တောသွားကားလမ်းမအတိုင်းမောင်းနှင်းလာသော သုံးဘီးဆိုင်ကယ်တစ်စီးတွင် နိုဝင်ဘာ ၁၅ ရက်နေ့ (၀၇:၀၀)မိနစ်အချိန်က စိတ်ကြွရူးသွပ်ဆေးပြားများ ဖမ်းဆီး ရမိခဲ့ကြောင်းသိရသည်။
ဖြစ်စဉ်မှာ မူးယစ်ရဲတပ်ဖွဲ့စု(၄၆)မောင်တော နှင့် လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် သတင်းအရ ဘူး သီးတောင်-မောင်တောသွားကားလမ်းမပေါ်ရှိ မြို့ဝင်စစ်ဆေးရေးဂိတ်တွင် မော်တော်ယာဉ် နှင့် သုံးဘီးများအား တား ဆီး စစ်ဆေးရှာဖွေနေစဉ် မောင်လှထွန်း မောင်းနှင်းလာသည့် သုံးဘီးဆိုင်ကယ်၏ နောက်ခန်းတွင် အံဝှက်ပြုလုပ်လျက် ပ လက် စတစ်အကြည်ရောင် မှိုင်းခံစက္ကူဖြင့်ထုပ်ထားပြီး အပြာရောင် ကပ်ခွာအိတ်ငယ်များအတွင်း စိတ်ကြွရူးသွပ်ဆေး ပြား ဟုယူဆရသော WY/R စာတမ်းပါ လိမ္မော်ရောင်ဆေးပြား(၁၉၅)ပြားစီပါ အပြာရောင်ကပ်ခွာအိတ် (၅၀)အိတ် ၊ ဆေးပြားပါ ၉၇၅၀ ပြားခန့်စီပါ အထုပ်ကြီး(၂၀)ထုတ် ၊ ဆေးပြားစုစုပေါင်း (၁၉၅၀၀၀)ပြားခန့် ၊ အလေးချိန် (၁၇.၅၅) ကီလိုခန့် အားတွေ့ရှိသိမ်းဆည်းရမိခြင်းဖြစ်ကြောင်း သိရသည်။
မူးယစ်ဆေးဝါးများ နှင့်အတူ တွေ့ရှိသူ မောင်လှထွန်း(ကျား) အသက်(၅၀) နှစ် (ဘ) ဦးစံကျော်ရှီ သုံးဘီးမောင်း ၊ရွာသာယာကျေးရွာနေသူ ၊ မူးယစ်ဆေးဝါးပိုင်ရှင်ဖြစ်သူ နှင့် ဆက်စပ်တရားခံ (၃) ဦး စုစုပေါင်း (၄)ဦးအား မြို့မရဲစခန်းတွင် မယ(ပ) ၄၀/၂၀၂၂ ၊ မူး/စိတ်ပုဒ်မ ၁၉ (က)/၂၁ အရ အမှုဖွင့်လှစ်ကာ အရေးယူနိုင်ရေး ဆောင် ရွက် လျက်ရှိပြီး ဆက်စပ်တရားခံများအား အမြန်ဆုံးဖမ်းဆီးနိုင်ရေး ဆောင်ရွက်လျက်ရှိကြောင်း သိရသည်။
ဝေလ(မောင်တော)
https://t.me/MyanmarNationalPost
No comments:
Post a Comment