MNP ၊ နိုဝင်ဘာ ၁၅
ရခိုင်ပြည်နယ်၊ ရမ်းဗြဲမြို့၌ ၂၀၂၂ ခုနှစ် (၁၀၂)နှစ်မြောက် အမျိုးသားအောင်ပွဲနေ့အထိမ်းအမှတ်အဖြစ် အထက်တန်း၊ အလယ်တန်း၊ မူလတန်းအဆင့် စာစီစာကုံးနှင့် ကဗျာပြိုင်ပွဲကို ယနေ့ နံနက် ၉ နာရီအချိန်ကရမ်းဗြဲမြို့၊ အမှတ်(၁) အခြေခံပညာအထက်တန်းကျောင်းတွင် ကျင်းပကြသည်။
အဆိုပါ အမျိုးသားအောင်ပွဲနေ့အထိမ်းအမှတ်အဖြစ် စာစီစာကုံးနှင့်ကဗျာပြိုင်ပွဲတွင် အထက်တန်းအဆင့် စာစီစာကုံးပြိုင်ပွဲကို အမျိုးသားအောင်ပွဲနှင့်လူငယ့်တာဝန် ခေါင်းစဉ်ဖြင့်လည်းကောင်း၊ အလယ်တန်းအဆင့်တွင် အမျိုးသားအောင်ပွဲနေ့အထိမ်းအမှတ်ခေါင်းစဉ်ဖြင့်လည်းကောင်း၊ မူလတန်းအဆင့်တွင် အမျိုးသားနေ့ဒို့မမေ့ ခေါင်းစဉ်ဖြင့်လည်းကာင်း၊ ကဗျာပြိုင်ပွဲကို အထက်တန်းအဆင့်တွင် အမျိုးသားအောင်ပွဲနှင့်လူငယ့်တာဝန်ခေါင်းစဉ် နှင့်အလယ်တန်းအဆင့်တွင် အမျိုးသားအောင်ပွဲနေ့ အထိမ်းအမှတ် ခေါင်းစဉ်တို့ဖြင့်ကျင်းပရာ ထက်/လယ်/မူ ကျောင်းသား/ကျောင်းသူ စုစုပေါင်း (၅၉)ဦးမှ ပါဝင်ယှဉ်ပြိုင်ခဲ့ကြသည်။
ထိုသို့ စာစီစာကုံးနှင့် ကဗျာပြိုင်ပွဲကို ဆရာ/ဆရာမများနှင့် မြို့နယ်အဆင့်ဌာနဆိုင်ရာများမှ လာရောက်ကြီးကြပ်ပေးကြပြီး ပြိုင်ပွဲတွင်ဆုရရှိကြသော ကျောင်းသား/ကျောင်းသူများကို ၂၀၂၂ ခုနှစ်၊ နိုင်ဝင်ဘာလ ၁၇ရက်နေ့တွင်ကျရောက်မည့် (၁၀၂)နှစ်မြောက်အမျိုးသားအောင်ပွဲနေ့ အထိမ်းအမှတ်အခမ်းအနားကျင်းပရာတွင် ဆုများချီးမြှင့်ပေးသွားမည်ဖြစ်ကြောင်း သိရသည်။
အောင်နိုင်
https://t.me/MyanmarNationalPost
No comments:
Post a Comment