MNP - နိုဝင်ဘာ ၁၅
ကရင်ပြည်နယ်၊ ဘားအံခရိုင်၊ လှိုင်းဘွဲမြို့ပေါ်ရပ်ကွက်များတွင် ပြည်သူများအနေဖြင့် တန်ဆောင်မုန်းလအတွင်း ကုသိုလ်များရရှိစေရန်အတွက် စေတနာရှင်၊ အလှူရှင်များက မိမိရပ်ကွက်အတွင်းတွင် စတုဒိသာများကျွေးမွေးလှူဒါန်းလျက်ရှိရာ ယမန်နေ့ညနေပိုင်းက လှိုင်းဘွဲမြို့(က)ရပ်ကွက်၌ စတုဒိသာကျွေးမွေးဧည့်ခံခဲ့ကြောင်း သိရှိရသည်။
စတုဒိသာကျွေးမွေးဧည့်ခံခြင်းကို လှိုင်းဘွဲမြို့နယ် မြန်မာနိုင်ငံလူမှုကယ်ဆယ်ရေးအသင်းမှဦးဆောင်၍ ရပ်ကွက်အတွင်းရှိ စေတနာရှင်၊ အလှူရှင်များကစုပေါင်း၍ ထမင်း/ဟင်း၊ ငပိရည်၊ တာလပေါ့၊ ငါးခြောက်၊ တို့စရာနှင့် အချိုရည်တို့ကို ကျွေးမွေးဧည့်ခံခဲ့ပြီး ပြည်သူများကလည်း ဝမ်းမြောက်စွာလာရောက်စားသုံးခဲ့ကြကြောင်း သိရှိရသည်။
မြန်မာနေရှင်နယ်ပို့စ်
No comments:
Post a Comment