MNP - နိုဝင်ဘာ ၉
ရခိုင်ပြည်နယ်၊ မြောက်ဦးခရိုင်၊ မြေပုံမြို့၌ တန်းဆောင်းမုန်းလပြည့်သမညဖလအခါတော်နေ့၌ အငူဗုဒ္ဓရင်ရိုးတော်ဓာတ်စေတီတော်မြတ်ကြီးနှင့် မြို့ဦးဘုရားစေတီမြတ်ကြီးတို့၌ ဆီမီးထွန်းညှိပူဇော်သူများ၊ မီ ပုံးပျံလွှတ်တင်ပူဇော်သူများဖြင့် စည်ကားလျက်ရှိသည်။
မြို့နယ်စီမံအုပ်ချုပ်ရေးအဖွဲ့မှ ပြည်သူများပျော်ရွှင်စွာ ကုသိုလ်ပြုနိုင်ရန်အတွက် မြေပုံမြို့၌ဘုရား၊ စေတီ၊ ပုထိုးများရှိ ဂေါပကအဖွဲ့သို့ မီးပုံးပျံအလုံး(၅၀)လှူဒါန်းပေးခဲ့သည်။ ထို့နောက် ပြည်သူများ ပျော်ရွှင်စွာ ဆီမီးပူဇော်ကုသိုလ်ပြုနိုင်ရန်စီစဉ်ပေးမှုကြောင့် ဘုရားစေတီပုထိုးများ၌ ဘုရားဖူးသူ၊ ဆီမီးပူစော်သူ၊ မီးပုံးပျံလွှတ်တင်ပူဇော်သူတို့ဖြင့် ယခင်နှစ်များထက် ပိုမိုစည်ကားစွာ ကုသိုလ်ပြုလျက်ရှိကြောင်း သိရသည်။
သတင်း - တင်ဝင်း
မြန်မာနေရှင်နယ်ပို့စ်
No comments:
Post a Comment