MNP - နိုဝင်ဘာ ၁၄
မကွေးတိုင်းဒေသကြီး၊ သရက်ခရိုင်၊ ကံမမြို့နယ်၌ ၂၀၂၂-၂၀၂၃ ပညာသင်နှစ် မြို့နယ်အဆင့် အင်္ဂလိပ်စာစွမ်းရည်ပြိုင်ပွဲနှင့် သင်္ချာစွမ်းရည်ပြိုင်ပွဲကို ယမန်နေ့နံနက် ၁၀ နာရီက အခြေခံပညာအထက်တန်းကျောင်း (ကံမ) ၌ ကျင်းပပြုလုပ်ရာ မြို့နယ်အတွင်း အခြေခံပညာကျောင်းများမှ မူလတန်းဆင့်နှင့် အလယ်တန်းဆင့် ကျောင်းသား/ကျောင်းသူများ ဝင်ရောက် ဖြေဆိုကြသည်။
အဆိုပါ စွမ်းရည်ပြိုင်ပွဲ ဖြေဆိုရာ၌ ကျောင်းသား/ကျောင်းသူများသည် စာဖြေခန်းများအတွင်း ရေးဖြေ ဖြေဆိုကြပြီးနောက် ဘာသာရပ်အလိုက် နှုတ်မှုစွမ်းရည်များအား ဆက်လက်ဖြေဆို ယှဉ်ပြိုင်ကြရသည်။ ထိုသို့ ဖြေဆိုကြရာတွင် အင်္ဂလိပ်စာ စွမ်းရည်ပြိုင်ပွဲ၌ မူလတန်းအဆင့် ၁၈ ဦး အလယ်တန်းဆင့် ၃၉ ဦးနှင့် သင်္ချာစွမ်းရည်ပြိုင်ပွဲ၌ မူလတန်းအဆင့် ၃၀ ဦး အလယ်တန်းဆင့် ၄၁ ဦး စုစုပေါင်း ကျောင်းသား/ကျောင်းသူ ၁၂၈ ဦး ဝင်ရောက်ဖြေဆိုခဲ့ကြကြောင်း သိရသည်။
သတင်း - ကျော်ဇေယျဝင်း
မြန်မာနေရှင်နယ်ပို့စ်
No comments:
Post a Comment