MNP ၊ နိုဝင်ဘာ ၁၅
ရခိုင်ပြည်နယ်၊ သံတွဲခရိုင်၊ငပလီမြို့၌ ပြန်ကြားရေးနှင့်ပြည်သူ့ဆက်ဆံရေးဦးစီး ဌာနမှ ထုတ်ဝေသည့် (၁၀၂) နှစ်မြောက် အမျိုးသားအောင်ပွဲနေ့ထိမ်းအမှတ် သတင်း စကားလက်ကမ်းစာစောင်များကို ယနေ့နံနက်၁၀ နာရီက အ-ထ-က၊ငပလီကျောင်းမှ ကျောင်းသား/ကျောင်းသူများအားအခမဲ့ဖြန့်ဝေပေးခဲ့ကြသည်။
အဆိုပါ သတင်းစကားလက်ကမ်းစာစောင်တွင် (၁၀၂)နှစ်မြောက် အမျိုသားအောင်ပွဲနေ့ ဦးတည်ချက် များပညာရေးမျှော်မှန်းချက်၊ ရန်ကုန်ယူနီဗာစတီအက်ဥပဒေကို သပိတ်မှောက်ရန် သစ္စာဆို အဓိဌာန်ပြုကြသောကျောင်းသားကြီး (၁၁)ဦး၏ အမည်စာရင်းများ၊ ဘိုမျိုး (ရွှေဘို)ရေးသားသည့် သူ့ကျွန်မခံအမျိုးသားမာန်(ကဗျာ)၊ နိုင်ငံ တော်စီမံအုပ်ချုပ်ရေးကောင်စီဥက္ကဌ၊ နိုင်ငံ တော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်၏ ၂၈-၁၁-၂၀၂၁ရက်နေ့တွင် (၁၀၁)နှစ်မြောက် အမျိုးသားအောင်ပွဲနေ့အထိမ်းအမှတ်အခမ်းအနားသို့ ပေးပို့သည့်သဝဏ်လွှာမှကောက်နုတ်ချက်နှင့်ဗိုလ်ချုပ်အောင်ဆန်း(၂၃-၁-၁၉၄၆)ရက်နေ့ ဖဆပလ ပြည်လုံးကျွတ်ညီလာခံကြီးတွင် တင်သွင်းသော ညီညွတ်ရေးအဆိုမှကောက်နုတ်ချက် စသည့်တို့ကို အရောင်အသွေးစုံလင်စွာဖြင့် ဝေဝေဆာဆာဖေါ်ပြ ပါရှိသည်။
၎င်း သတင်းစကားလက်ကမ်းစာစောင်များကို ကျောင်းသား/ကျောင်းသူများဗဟု သုတများရရှိစေရန်အတွက် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ငပလီမြို့ရုံးဝန်ထမ်းများက အ-ထ-က ငပလီကျောင်းသို့ သွားရောက်ပြီး အခမဲ့ဖြန့်ဝေပေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment