MNP - နိုဝင်ဘာ ၁၂
ရန်ကုန်တိုင်းဒေသကြီး၊ ဗဟန်းမြို့နယ်လူထုအခြေပြုဗဟိုဌာန Community Centre ခန်းမ၌ ယနေ့နံနက် ၁၀ နာရီက ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဝန်ထမ်းဟောင်းများ အမှုဆောင်အသင်း လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့သည်။
အစည်းအဝေးတွင် ပြန်/ဆက်ဝန်ထမ်းဟောင်းများ အမှုဆောင်အသင်းဥက္ကဋ္ဌ ဦးမြင့် က အဖွင့်အမှာစကားပြောကြားပြီး အတွင်းရေးမှူး ဦးတင်ဝင်းလေးမှ ရှေ့လုပ်ငန်းစဉ်များ ရှင်းလင်းဆွေးနွေးတင်ပြခြင်းနှင့် တွဲဘက်အတွင်းရေးမှူး ဦးအုန်းထွန်းမှလုပ်ငန်းဆောင်ရွက်မ အခြေအနေများအား ရှင်းလင်းဆွေးနွေး ပြောကြားခဲ့သည်။
ထို့နောက် တက်ရောက်လာသူများမှ ရှေ့လုပ်ငန်းစဉ်များကို အပြန်အလှန်ဆွေးနွေးခဲ့ကြပြီး အဆိုပါအစည်းအဝေးသို့ အဖွဲ့ဝင်စုစုပေါင်း (၁၀) ဦးတက်ရောက်ခဲ့ကြကြောင်း သိရသည်။
သတင်း - စန္ဒာမိုး
မြန်မာနေရှင်နယ်ပို့စ်
No comments:
Post a Comment