MNP ၊ နိုဝင်ဘာ ၁၀
ရခိုင်ပြည်နယ်၊ ရမ်းဗြဲမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ စာဖတ်ရှိန်မြှင့်တင်နိုင်ရေးအတွက် ဌာနဆိုင်ရာဝန်ထမ်းများနှင့် စာပေချစ်မြတ်နိုးသူပြည်သူများသို့စာအုပ်စာစောင်ကိုအလွယ်တကူ ဖတ်ရှုနိုင်ရန်အတွက် ပြန်ကြားရေးနှင့်ပြည်သူ့ဆက်ဆံရေးဦးစီးဌာနဝန်ထမ်းများမှ Mobile စနစ်ဖြင့် စာအုပ်စာစောင်များငှားရမ်းပေးခြင်းကို ယနေ့နံနက် ၁၁ နာရီကမြို့နယ်မြန်မာ့လယ်ယာဖွံ့ဖြိုးရေးဘဏ်နှင့်ပြည်တွင်းအခွန်များဦးစီးဌာနသို့ သွားရောက်ပြီး အခမဲ့ငှားရမ်းပေးကြသည်။
ထိုသို့ဆောင်ရွက်ရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနဝန်ထမ်းများက စာကြည့်တိုက်သို့ လာရောက်ရန်မအားလပ်သည့် ဌာနဆိုင်ရာဝန်ထမ်းများနှင့် စာပေချစ်မြတ်နိုးသူပြည်သူများအတွက်သုတ/ ရသ၊ မဂ္ဂဇင်းနှင့် ဝတ္ထု စာအုပ်စာစောင်များကိုယူဆောင်လျှက် ငှားရမ်းပေးခဲ့ကြရာ မြန်မာ့လယ်ယာဖွံ့ ဖြိုးရေးဘဏ်ဝန်ထမ်းများနှင့်ပြည်တွင်းအခွန်များဦးစီးဌာနဝန်ထမ်းများကလည်း ကြိုက်နှစ်သက်ရာစာအုပ်စာစောင်များကို ဖတ်ရှုရန်အတွက်ငှားရမ်းခဲ့ကြသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ စာအုပ်စာစောင်များကို Mobile စနစ်ဖြင့်ငှားပေးခြင်းကို ဌာနဆိုင်ရာဝန်ထမ်းများသာမက ပြည်သူများ အလွယ်တကူဖတ်ရှုနိုင်ကြရန်အတွက် အိမ်တိုင်ရာရောက်စနစ်ဖြင့်လည်း အခမဲ့ငှားရမ်းပေးလျက်ရှိကြောင်း သိရသည်။
အောင်နိုင်
https://t.me/MyanmarNationalPost
No comments:
Post a Comment