MNP - နိုဝင်ဘာ ၃
ပဲခူးတိုင်းဒေသကြီး သာယာဝတီခရိုင် ကြို့ပင်ကောက်မြို့တွင် SME အသေးစားအလတ်စား အိမ်တွင်းမှုစက်မှုလက်မှုထုတ်ကုန်များ ထုတ်လုပ်နေသော လုပ်ငန်းခွင်များသို့တိုင်းဒေသကြီးစားသုံးသူရေးရာဦးစီးဌာနနှင့် တိုင်းဒေသကြီးအစားအသောက်နှင့်ဆေးဝါးကွတ်ကဲရေးဦးစီးဌာနမှ တာဝန်ရှိသူများ၊ ခရိုင်နှင့် မြို့နယ်အဆင့်တာဝန်ရှိသူများ ကွင်းဆင်းစစ်ဆေး အသိပညာပေးခြင်းများကို ယမန်နေ့မွန်းလွဲပိုင်းကဆောင်ရွက်ခဲ့သည်။
တိုင်းဒေသကြီးအစိုးရအဖွဲ့၏လမ်းညွှန်မှုဖြင့် MSME အသေးစားအလတ်စား အိမ်တွင်းမှုစက်မှု လက်မှုထုတ်ကုန်များ ထုတ်လုပ်လျက်ရှိသော Natural wood & Resin Art Gallery သဘာဝသစ်အချောထည် ပရိဘောဂလုပ်ငန်းတို့မှ ထုတ်လုပ်သော ထုတ်ကုန်များ အဆင့်အတန်းမြင့်စွာ တိုးတက်ထုတ်လုပ်နိုင်ရေး၊ တိုးမြင့်ဒိန်ချဉ်လုပ်ငန်းမှ ထုတ်လုပ်သော အစားအသောက်များအား ပြည်သူများ စိတ်ချယုံကြည်စွာ စားသုံးနိုင်ရေးတို့အတွက် ကွင်းဆင်းစစ်ဆေးဆောင်ရွက်ရခြင်းဖြစ်ကြောင်း တာဝန်ရှိသူတစ်ဦးကပြောသည်။
စားသောက်ကုန်လုပ်ငန်းများမှထုတ်လုပ်သော ကုန်ပစ္စည်းများအား တိုင်းအစားအသောက်နှင့် ဆေးဝါးကွတ်ကဲရေးဦးစီးဌာန၏ ထောက်ခံချက်များထုတ်ပေးနိုင်းရေး အကြမ်းအားဖြင့် စစ်ဆေးဆောင်ရွက်ရန် နမူနာများယူဆောင်သွားခဲ့ကြောင်း သိရသည်။
သတင်း - ဇေယျာထွန်း
မြန်မာနေရှင်နယ်ပို့စ်
No comments:
Post a Comment