MNP - နိုဝင်ဘာ ၂
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(မြောက်ပိုင်း)မြို့နယ်၊ (၃၃)ရပ်ကွက်၊ ငါးမာန်အောင်ဘုရား၊ ငါးမာန်အောင်ဓမ္မာရုံတွင် ယမန်နေ့နံနက် ၉ နာရီခွဲ ညနေ ၃ နာရီထိ မြို့နယ်ကျန်းမာရေးဦးစီးဌာနနှင့် ဒေါက်တာမြဖူးငုံဦးဆောင်သော ပြည်သူ့ကျန်းမာရေးဝန်ဆောင်မှုအဖွဲ့ (PSI) တို့ပူးပေါင်း၍ TB ရောဂါ တိုက်ဖျက်ရေးအတွက် ရင်ခေါင်းဓာတ်မှန်ရိုက်ပေးခြင်း၊ သလိပ်စစ်ပေးခြင်းနှင့် ကျန်းမာရေးအခမဲ့စစ်ဆေးပေးလျက်ရှိကြောင်း သိရသည်။
အဆိုပါ ကျန်းမာရေးစစ်ဆေးပေးမှုများအား မြို့နယ်အတွင်း နိုဝင်ဘာ ၁ ရက်နေ့မှ ၄ ရက်နေ့အထိ(၃၃)ရပ်ကွက်၊ ငါးမာန်အောင်ဘုရား ငါးမာန်အောင်ဓမ္မာရုံ၊ နိုဝင်ဘာ ၈ ရက်နေ့မှ ၁၁ ရက်နေ့အထိ(၃၆)ရပ်ကွက် ဒေသန္တရကျန်းမာရေးဌာန၊ နိုဝင်ဘာ ၁၆ ရက်နေ့မှ ၁၈ ရက်နေ့အထိ(၄၈)ရပ်ကွက်၊ ဒေသန္တရကျန်းမာရေးဌာန၊နိုဝင်ဘာ ၁၅ ရက်နေ့မှ ၁၈ ရက်နေ့အထိ(၅၀)ရပ်ကွက်၊ ဒေသန္တရကျန်းမာရေးဌာန၊ နိုဝင်ဘာ ၂၂ ရက်နေ့မှ ၂၅ ရက်နေ့အထိ (၃၈)ရပ်ကွက်၊ ၇/ ၈လမ်းဆုံရှိ မြို့နယ်ပြည်သူ့ဆေးရုံတို့တွင် အခမဲ့စမ်းသပ် စစ်ဆေးပေး သွားမည်ဖြစ်ကြောင်း သိရသည်။
အဆိုပါ ကျန်းမာရေးစစ်ဆေးပေးမှုများအား မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ်ကျန်းမာရေးဦးစီးမှူး ဒေါက်တာတင်မူမြင့်နှင့်ဝန်ထမ်းများ၊ ရပ်ကွက်အထောက်အကူပြု အဖွဲ့ဝင်များမှ လိုအပ်သည်များကူညီဆောင်ရွက်ပေးခဲ့ကြောင်း သတင်းရရှိသည်။
သတင်း - မြင့်မြင့်ရီ
မြန်မာနေရှင်နယ်ပို့စ်
No comments:
Post a Comment