MNP ၊ နိုဝင်ဘာ ၂၄
မန္တလေးတိုင်းဒေသကြီး၊ စဉ့်ကူးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၂-၂၀၂၃ ဘဏ္ဍာရေးနှစ် နိုင်ငံတော်ထောက်ပံ့ရန်ပုံငွေဖြင့် ထပ်တိုး အကောင်အထည်ဖော် ဆောင်ရွက်မည့် ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP) ကျေးရွာများဖြစ်သော စားကျက်ကြီးကျေးရွာနှင့် ဆည်သည်(တောင်)ကျေးရွာတို့တွင် ကျေးရွာဖွံဖြိုးရေးလုပ်ငန်းများ ဆောင်ရွက်သွားမည်ဖြစ်သည်။
အဆိုပါ ကျေးရွာဖွံ့ဖြိုးရေးစီမံကိန်းလုပ်ငန်း အကောင်အထည်ဖော်ဆောင်ရွက်နိုင်ရန်အတွက် စားကျက်ကြီးကျေးရွာရှိ ရတနာဘုန်းမြင့် ဓမ္မာရုံတွင် (၂၂-၁၁-၂၀၂၂) ရက်နေ့က လည်းကောင်း၊ ဆည်သည်(တောင်)ကျေးရွာရှိ ဝိပဿနာကျောင်းတိုက်ဓမ္မာရုံတွင် (၂၃-၁၁-၂၀၂၂) ရက်နေ့က လည်းကောင်း၊ စဉ့်ကူးမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးနိုင်အောင်စိုး က စီမံကိန်းအကြောင်း မိတ်ဆက်ရှင်းလင်းခြင်းနှင့် ကျေးရွာဖွံ့ဖြိုးရေးလုပ်ငန်းများ လုပ်ဆောင်ရာတွင် လိုက်နာဆောင်ရွက်ရမည့် ကျေးရွာစိတ်ဓာတ် (Village-Spirit ) အချက် (၅)ချက်ကို ရှင်းလင်းပြောကြားခဲ့ပြီး ကျေးလက်ဦးစီးဌာနမှ စီမံကိန်းတာဝန်ခံနှင့်ဝန်ထမ်းများက ကျေးရွာဖွံ့ဖြိုး တိုးတက်ရေးလုပ်ငန်းစီမံကိန်း အကောင်အထည်ဖော် ဆောင်ရွက်နိုင်ရန် ကော်မတီဖွဲ့စည်းခြင်းနှင့် သင်တန်းသား/သူ ရွေးချယ်ခြင်းတို့ကို ဆောင်ရွက်ခဲ့ကြကြောင်း စဉ့်ကူးမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးနိုင်အောင်စိုး ထံမှ သိရသည်။
တင်ဇာလွင်
https://t.me/MyanmarNationalPost
No comments:
Post a Comment