MNP - ဒီဇင်ဘာ ၂၆
မွန်ပြည်နယ် သထုံမြို့နယ်တွင်မြို့နယ် ပြည်သူ့ကျန်းမာရေး ဦးစီးဌာနမှစီစဉ်ဖွင့်လှစ်သည့် လူထုအခြေပြု စေတနာ့ဝန်ထမ်းကျန်းမာရေးလုပ်သားများအား အိမ်တိုင်ရာရောက်မွေးကင်းစကလေး ပြုစုစောင့်ရှောက်ခြင်း သင်တန်းဖွင့်ပွဲကို ယနေ့ နံနက် ၉ နာရီက မြို့နယ်ပြည်သူ့ကျန်းမာရေးဦးစီးဌာနရုံး အစည်းအဝေးခန်းမ၌ ကျင်းပပြုလုပ်ခဲ့သည်။
သင်တန်းဖွင့်ပွဲတွင် ခရိုင်ကျန်းမာရေးမှူး ဦးစိုးအောင်က သင်တန်းဖွင့်လှစ်ရခြင်း ရည်ရွယ်ချက်ကိုရှင်းလင်းပြောကြားပြီး သင်တန်းနည်းပြများက သက်ဆိုင်ရာကဏ္ဍအလိုက် ဆွေးနွေးပို့ချခဲ့ကြသည်။
အဆိုပါ သင်တန်းကို သထုံမြို့နယ်အတွင်းရှိ အခြေခံကျန်းမာ ရေးဝန်ထမ်းများ၊ ရပ်ကွက်/ကျေးရွာနေအရန်သားဖွား ဆရာမများနှင့် လူထုအခြေပြု စေတနာ့ဝန်ထမ်းကျန်းမာရေးလုပ်သားများ စုစုပေါင်း(၄၉) ဦးတို့ တက်ရောက်ကြပြီး ကျေးလက်ကျန်းမာရေးမှူးများ၊ မိခင်နှင့်ကလေးစောင့်ရှောက်ရေး ကျန်းမာရေးဌာနမှ ဆရာ/ဆရာမများ စုစုပေါင်းနည်းပြ(၄)ဦးတို့က (၅)ရက်ကြာ ဖွင့်လှစ် ပို့ချပေးသွားမည်ဖြစ်ကြောင်း သိရသည်။
နဒီ
https://t.me/MyanmarNationalPost
No comments:
Post a Comment