MNP - ဒီဇင်ဘာ ၇
ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့တွင် အရန်မီးသတ်တပ်ဖွဲ့ဝင်များအား လေ့ကျင့်ရေး(မွမ်းမံ) သင်တန်း ၂/၂၀၂၂ ဖွင့်ပွဲအခမ်းအနားကို မြို့နယ်မီးသတ် ဦးစီးမှူးရုံးခန်းမ၌ ယမန်နေ့ နံနက်ပိုင်းကကျင်းပသည်။
အခမ်းအနားတွင်မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌဦးတိုးတိုးဝင်းက အဖွင့်အမှာစကား ပြောကြားပြီးမအူပင်ခရိုင်မီးသတ်ဦးစီးမှူး ဦးစိုးမိုးထွန်းက မီးဘေးအန္တရာယ်ကြိုတင် ကာကွယ်ရေးနှင့် မီးလောင်မှု ဖြစ်ပွားပါကမီးငြိမ်းသတ်ရာတွင်ကျွမ်းကျင်လျှင်မြန်စွာ မီးငြှိမ်းသတ်နိုင်ရေးအတွက် သိသင့်သည့်သင်ယူရမည့် လေ့ကျင့်ခန်းများအားစာတွေ့ လက်တွေ့သင်ကြားပေးမည် ဖြစ်ကြောင်းပြောကြားခဲ့ကြောင်းသိရသည်။
အဆိုပါအရန်မီးသတ်တပ်ဖွဲ့ဝင်များအား လေ့ကျင့်ရေး(မွမ်းမံ)သင်တန်း ၂/၂၀၂၂တွင်မြို့နယ် အတွင်းရှိ အရန်မီးသတ်တပ်ဖွဲ့ဝင်(၅ဝ)ဦး တက်ရောက်ရာသင်တန်းကာလမှာ(၂၅)ရက်ဖြစ်ကြောင်းမြို့နယ် မီးသတ်ဦးစီးမှူးထံကသိရသည်။
မြန်မာနေရှင်နယ်ပို့စ်
No comments:
Post a Comment