MNP - ဒီဇင်ဘာ ၂၉
ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့နယ်တွင် (၇၅) နှစ်မြောက် စိန်ရတု လွတ်လပ်ရေးနေ့အား ကြိုဆိုဂုဏ်ပြုသောအားဖြင့် ဝါးတောကြီးကျေးရွာ ကုန်ထုတ်လမ်းသစ်ဖွင့်ပွဲအား ယမန်နေ့နံနက်ပိုင်းက ဝါးတောကြီးကျေးရွာတွင် ကျင်းပပြုလုပ်ခဲ့သည်။
ယင်းကုန်ထုတ်လမ်းအား မင်္ဂလာအချိန်ဖြစ်သည့် နံနက် ၈:၃၀ နာရီအချိန်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဥက္ကာသန်း၊ အဖွဲ့ဝင်(၁) ဗိုလ်မှူး သန့်ဇင်ဝေ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန ၊ မြို့နယ်ဦးစီးမှူး ဦးရန်နိုင်ညွန့်နှင့် ထွန်းတောက်လဝန်း ကုမ္ပဏီမှ အင်ဂျင်နီယာ ဦးမောင်ဝင်းတို့က ဖဲကြိုးဖြတ် ဖွင့်လှစ်ပေးပြီး ကြွရောက်လာကြသော ဧည့်သည်တော်များနှင့်အတူ လှည့်လည်ကြည့်ရှုခဲ့ကြသည်။
ရေတာရှည်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ လမ်းအရှည် ၇၇၈၁ ပေ ၊ အကျယ် ၁၂ ပေ ရှိသော ဝါးတောကြီးကျေးရွာ ကုန်ထုတ်လမ်းအား ၂၀၂၂-၂၀၂၃ ဘဏ္ဍာရေးနှစ် ပဲခူးတိုင်းဒေသကြီးအစိုးရအဖွဲ့ ရန်ပုံငွေ ကျပ် ၉၃ ဒသမ ၀၁၉ သန်း ဖြင့် ဆောင်ရွက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment