MNP - ဒီဇင်ဘာ ၂၀
ရခိုင်ပြည်နယ် ၊ ဂွမြို့နယ်တွင် သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန (ရုံးချုပ်)မှ ဒုတိယညွှန်ကြားရေးမှူးချုပ် ဒေါ်ညိုညိုဝင်း၊ ရခိုင်ပြည်နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန ပြည်နယ်ဦးစီးမှူး ဦးတင့်ဝေ နှင့် အဖွဲ့သည် ယမန်နေ့နံနက်ပိုင်းက ဂွမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး၊ အစည်းအဝေးခန်းမ၌ ဝန်ထမ်းများနှင့်တွေ့ဆုံပွဲ ကျင်းပခဲ့ပြီးနောက် ကျေးရွာများတွင်အကောင်အထည်ဖော် ဆောင်ရွက်နေသည့် ဒေသဖွံ့ဖြိုး တိုးတက်ရေး လုပ်ငန်းများအား မြေပြင်ကွင်းဆင်းကြည့်ရှု စစ်ဆေးခဲ့ကြောင်း သိရသည်။
ထိုသို့ ကွင်းဆင်းကြည့်ရှုစစ်ဆေးရာ၌ ကျေးလက်ဒေသဖွံ့ဖြိုးတိုးတက်ရေးဦးစီးဌာန (ရုံးချုပ်)မှ ဒုတိယညွှန်ကြားရေးမှူးချုပ် ဒေါ်ညိုညိုဝင်း၊ ပြည်နယ်ဦးစီးမှူး ဦးတင့်ဝေနှင့် အဖွဲ့သည်၂၀၂၂-၂၀၂၃ခု ဘဏ္ဍာရေးနှစ် အတွင်း ပြည်ထောင်စုရန်ပုံငွေဖြင့် ဆောင်ရွက်သည့် ကံ့ကော်တောင်ကျေးရွာရှိ ကျေးလက်အိမ်ရာ(၅)လုံး တည်ဆောက်ခြင်း လုပ်ငန်းအား လည်းကောင်း၊ Cash for Work စီမံကိန်းနှင့် ကျေးရွာဖွံ့ဖြိုး တိုးတက်ရေး လုပ်ငန်း စီမံကိန်း (VDP) ဖြင့် ဆောင်ရွက်သော ကွန်ကရစ်လမ်းခင်းခြင်းလုပ်ငန်း၊ဗြုန်းကျောက်ခင်းခြင်း လုပ်ငန်းများအား လည်းကောင်း ဆောင်ရွက်ပြီးစီးမှုအခြေအနေနှင့် သတ်မှတ်လုပ်ငန်းများ အရည်အသွေး ပြည့်မီမှု ရှိ/ မရှိ ကြည့်ရှု စစ်ဆေးခဲ့ပြီး ကျေးရွာများရှိ ရပ်မိရပ်ဖများ၊ ကျေးရွာကော်မတီဝင်များနှင့် တွေ့ဆုံကာ ဒေသခံပြည်သူများ ရေရှည်အသုံးပြု ဆောင်ရွက်နိုင်ရေးနှင့် ရေရှည် အသုံးပြု သွားလာနိုင်ရေးတို့အတွက်အလေးထား ဆောင်ရွက်သွားကြစေရေး ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment