MNP - ဒီဇင်ဘာ ၁၉
ရှမ်းပြည်နယ်(မြောက်ပိုင်း)ကျောက်မဲခရိုင်အားကစားကွင်းတွင် ပညာရေးဌာနမှကြီးမှူး၍ ခရိုင် အဆင့် ကျား/မ ဘောလုံးပြိုင်ပွဲ လူရွေးပွဲကို ယနေ့ နံနက် ၇ နာရီအချိန်က ကျင်းပခဲ့ကြောင်း သိရသည်။
အဆိုပါ လူရွေးပွဲသို့ ကျောက်မဲခရိုင် အားကစားနှင့် ကာယပညာဦးစီးကော်မတီဥက္ကဌ ဦးအောင် မြင့်ဦးနှင့် တာဝန်ရှိသူများ တက်ရောက်ကြည့်ရှူအားပေးပြီး အားကစားအသင်းများအတွက် ငွေကျပ် ၁ သိန်း ၇သောင်းကျော် တန်ဖိုးရှိ ဘောလုံး၊ ဘော်လီဘော၊ ပိုက်ကျော်ခြင်း အစရှိသည့် အားကစားပစ္စည်းများ ထောက်ပံ့ပေးအပ်ခဲ့ကြောင်း သိရသည်။
အဆိုပါ ဘောလုံးပြိုင်ပွဲ လူရွေးပွဲကို ကျောက်မဲ၊ သီပေါ၊ နောင်ချို မြို့များမှ အသင်းများ ပါဝင်ယှဉ်ပြိုင်ခဲ့ကြကာ အဆိုပါအသင်းများထဲမှ အကောင်းဆုံးကစားသမားများကို ရွေးချယ်၍ ကျောက်မဲခရိုင်ကိုယ်စားပြု အသင်းတစ်သင်း ဖွဲ့စည်းပြီး ထိုအသင်းကို ဇန်နဝါရီလ ၁ ရက်နေ့တွင် တောင်ကြီးမြို့၌ကျင်းပမည့် ပြည်နယ်အဆင့်ပြိုင်ပွဲသို့ ဝင်ရောက် ယှဉ်ပြိုင်စေမည်ဖြစ်ကြောင်း သိရသည်။အလားတူ ခရိုင်အဆင့် ဘော်လီဘော ကျား/မ ပြိုင်ပွဲ၊ ခရိုင်အဆင့်ပိုက်ကျော်ခြင်းပြိုင်ပွဲ
တို့ကိုလည်း ကျောက်မဲမြို့ မိုးလုံလေလုံအားကစားရုံနှင့် (၆)ရပ်ကွက် ပိုက်ကျော်ခြင်းကွင်းတို့တွင် ကျင်းပလျက်ရှိပြီး အဆိုပါ ပြိုင်ပွဲများမှ ထူးချွန်အားကစားများကို ရွေးချယ်ပြီး ကျောက်မဲခရိုင် ကိုယ်စားပြု အသင်းများဖွဲ့စည်း၍ ပြည်နယ်အဆင့်ပြိုင်ပွဲသို့ ဝင်ရောက် ယှဉ်ပြိုင်စေမည်ဖြစ် ကြောင်း သိရသည်။
မိုင်းထွန်း
https://t.me/MyanmarNationalPost
No comments:
Post a Comment