MNP - ဒီဇင်ဘာ ၇
လေးမျက်နှာမြို့နယ် ကြီးပေါက်ကုန်းကျေးရွာအုပ်စု ကင်းမွန်ချောင်းလူကူးတံတားကို သံကူကွန်ကရစ် နှစ်လမ်းသွားတံတားအဖြစ် တည်ဆောက်မည်ဖြစ်ကြောင်း ကျေးလက်လမ်း ဖွံ့ဖြိုးရေးဦးစီးဌာနမှ သိရသည်။
အဆိုပါတံတားသည် ကင်းပွန်ချောင်းကို ဖြတ်ကျော်၍ လေးမျက်နှာ-ပန်းတောကြီး လမ်းမကြီးနဲ့ ဆက်သွယ် ပေးထားသော တံတားတစ်ခုဖြစ်ပြီး အရှည်ပေ ၈၀၊ အကျယ် ၂၀ပေ ရှိ Bored pile အုတ်မြစ် သံကူကွန်ကရစ် အမျိုးအစားဖြစ်၍ ယာဉ်တစ်စီးချင်း ၄၈တန် ခံနိုင်ဝန်ရှိကြောင်း၊ ယခုအခါ၌ Soil test (မြေစမ်းသပ်ခြင်း) လုပ်ငန်းများ ဆောင်ရွက်နေပါကြောင်း၊ မြေစမ်းသပ်ပြီးပါက တံတား Design ပုံစံရေးဆွဲပြီးနောက် လာမည့်၂၀၂၃-၂၀၂၄ခု ဘဏ္ဍာရေးနှစ် ပြည်ထောင်စုငွေလုံးငွေရင်းရန်ပုံငွေ(၃၆၀)သန်းဖြင့် ကျခံဆောင်ရွက်နိုင်ရေး ဒုတိယ ဦးစားပေးအဆင့်ဖြင့် တင်ပြထားပါကြောင်း သိရသည်။ တံတားကြီး တည်ဆောက်ပြီးစီးသွားပါက အကျိုးပြု ကျေးရွာ(၉)ရွာ၊ အိမ်ခြေ(၁၀၆၄) အိမ် ၊ လူဦးရေး(၅၀၅၇)ဦးခန့် အကျိုးနိုင်ကြောင်း သိရသည်။
သတင်း - ကျော်ဟိန်း
မြန်မာနေရှင်နယ်ပို့စ်
No comments:
Post a Comment