MNP - ဒီဇင်ဘာ ၂၇
စစ်တွေတက္ကသိုလ် ၂၀၂၂-၂၀၂၃ ပညာသင်နှစ်၊ မောင်မယ်သစ်လွင် ကြိုဆိုပွဲ အခမ်းအနားကို ယနေ့ နံနက် ၉ နာရီက စစ်တွေတက္ကသိုလ် ဘွဲ့နှင်းသဘင်ခန်းမတွင် ကျင်းပပြုလုပ်ခဲ့သည်။
အခမ်းအနားတွင် စစ်တွေ တက္ကသိုလ်မှ ကျောင်းသား၊ကျောင်းသူများက" ဘဝမီးအိမ် ထွန်းညှိရာမြေ" သီချင်းကို သီဆို၍ အခမ်းအနားကို ဖွင့်လှစ်ကြသည်။
ထို့နောက် စစ်တွေတက္ကသိုလ် ပါမောက္ခချုပ် ဒေါက်တာခင်မောင်ဇော်က နိုင်ငံတော်တစ်ခု တည်ဆောက်ရာတွင် ပညာရေးကဏ္ဍသည် အလွန်ပင်အရေးကြီးပါကြောင်း၊ ကျောင်းသား/သူများအနေဖြင့် နိုင်ငံတော်ဘက်စုံ ဖွံ့ဖြိုးတိုးရေးအတွက် တစ်ထောင့်တစ်နေရာကနေ ပါဝင်အားဖြည့်နိုင်အောင် ကြိုးစားသင်ယူလေ့လာသွားကြရန်လိုအပ်ကြောင်း တိုက်တွန်းပြောကြားခဲ့သည်။
ယင်းနောက် စစ်တွေတက္ကသိုလ် ဒုတိယပါမောက္ခချုပ် ဒေါက်တာခင်သက်ကျော်က သင်တန်းရေးရာကိစ္စရပ်များနှင့် စပ်လျဉ်း၍ ရှင်းလင်းမှာကြားခဲ့သည်။
ဆက်လက်၍ ဝိဇ္ဇာဘာသာရပ်ဆိုင်ရာ သိကောင်းစရာများကို မြန်မာစာဌာနမှ ပါမောက္ခ(ဌာနမှူး)ဒေါက်တာမင်းသန့်မော်ကလည်းကောင်း၊ သိပ္ပံဘာသာရပ်ဆိုင်ရာသိကောင်းစရာများကို အဏ္ဏာဝါသိပ္ပံဌာနမှ ပါမောက္ခ(ဌာနမှူး)ဒေါက်တာမြကျော့ဝေကလည်းကောင်း ရှင်းလင်းပြောကြားပြီး ကျောင်းသား၊ကျောင်းသူများက တေးသီချင်းများဖြင့် သီဆို၊ကပြဖျော်ဖြေကာ အခမ်းအနားကို ရုပ်သိမ်းခဲ့သည်။
အဆိုပါ အခမ်းအနားသို့ စစ်တွေတက္ကသိုလ် ပါမောက္ခချုပ်နှင့် ဆရာ၊ ဆရာမများ၊ မောင်မယ်သစ်လွင် ကျောင်းသားကျောင်းသူများ စုစုပေါင်း(၂၆၀၀) ဦး တက်ရောက်ခဲ့ကြောင်းသိရသည်။
ဦးမြင့်စိုး
https://t.me/MyanmarNationalPost
No comments:
Post a Comment