MNP - ဒီဇင်ဘာ ၅
ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ မိုးရွာသွန်း၍ လေပြင်းတိုက်ခတ်မှုကြောင့် အမိုးလန်ပျက်ဆီးဆုံးရှုံးသွားသည့်နေအိမ်မှ မိသားစုဝင်များအားထောက်ပံ့ငွေပေးအပ်ခြင်းကို ဒီဇင်ဘာ ၅ ရက်နေ့လယ် ၁ နာရီအချိန်က မြို့နယ်အထွေထွေအုပ်ချုပ်ရေးဦးစီးဌာနရုံး၌ ပြုလုပ်သည်။
အဆိုပါထောက်ပံ့ငွေများပေးအပ်ရာတွင် မြို့နယ်အထွေထွေအုပ်ချုပ်ရေးဦးစီးဌာန ဒုတိယဦးစီးမှူး ဦးသိန်းဇော်ဖြိုးမင်း၊ မြို့နယ်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန ဦးစီးအရာရှိ ဒေါ်ကေသီမြင့်တို့က သာယာကုန်းအုပ်စု၊ သာယာကုန်းကျေးရွာတွင် မိုးရွာသွန်း၍ လေပြင်းတိုက်ခတ်ပြီး အမိုးလန်ပျက်ဆီးသွားသည့် ဦးသောင်းကြည်နေအိမ်မှ မိသားစုဝင်(၅)ဦးကို ဆန်ရိက္ခာဖိုးငွေ (၁၀၅၀၀) ကျပ်၊ အိမ်ဆောက်ပစ္စည်းဖိုးငွေ (၅၀၀၀ဝ)ကျပ်၊ စုစုပေါင်း (၆၀၅၀ဝ)ကျပ်အား လက်ဝယ်အရောက် ထောက်ပံ့ပေးအပ်ခဲ့ကြောင်း သိရသည်။
သတင်း - ပေါက်စ
မြန်မာနေရှင်နယ်ပို့စ်
No comments:
Post a Comment