MNP - ဒီဇင်ဘာ ၃၀
ရခိုင်ပြည်နယ်၊ ရမ်းဗြဲမြို့၌ (၇၅) နှစ်မြောက် စိန်ရတုလွတ်လပ်ရေးနေ့အထိမ်းအမှတ်မြို့နယ်စီမံအုပ်ချုပ်ရေးအဖွဲ့ဥက္ကဌဖလားအမျိုးသား/အမျိုးသမီး အလွတ်တန်းဘော်လီဘောပြိုင်ကို ယနေ့နံနက် ၇ နာရီက ရမ်းဗြဲမြို့၊ အမှတ်(၁) အခြေခံပညာအထက်တန်းကျောင်းအားကစားကွင်း၌ ကျင်းပကြရာ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးခင်မောင်သန်းနှင့် အဖွဲဝင်များက တက်ရောက်အားပေးကြသည်။
အဆိုပါ ဘော်လီဘောပြိုင်ပွဲတွင် အမျိုးသား (၆)သင်း အမျိုးသမီး (၄) သင်း တို့မှ ပါဝင်ယှဉ်ပြိုင်ကြမည်ဖြစ်ရာပထမပြိုင်ပွဲအဖြစ် ဟိန်းလင်းအောင်ခေါင်းဆောင်သောအသင်းနှင့် မောင်ခင်ရွှေ ခေါင်းဆောင်သောအသင်တို့ကစားခဲ့ကြရာ ဟိန်လင်းအောင်အသင်းမှ (၃)ပွဲပြတ် အနိုင်ရရှိခဲ့ပြီး ဒုတိယပွဲအဖြစ်ဆက်လက်၍ ရဲနိုင်ဝင်းအသင်းနှင့် ပိန်ကျော်ခေါင်းဆောင်သောအသင်းတို့မှ ဆက်လက်ယှဉ်ပြိုင်ကစားကြသည်။
ထိုပြိုင်ပွဲကို (၃၁-၁၂-၂၀၂၂) ရက်နေ့မှ (၃-၁-၂၀၂၃)ရက်နေ့ထိကျင်းပသွားမည်ဖြစ်ပြီး နောက်ဆုံးဗိုလ်စွဲသောအမျိုးသးအသင်းနှင့်အမျိုးသမီးအသင်းတို့အား (၇၅)နှစ်မြောက် စိန်ရတုလွတ်လပ်ရေးနေ့အခမ်းအနားတွင် ဆုများချီးမြှင့်ပေးသွားမည်ဖြစ်ကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment