MNP ၊ ဒီဇင်ဘာ ၃
ရခိုင်ပြည်နယ် မာန်အောင်မြို့နယ် မျှော်တော်ဦးကျေးရွာတွင် မြို့နယ်ငါးလုပ်ငန်းဦးစီးဌာနမှ မြစိမ်းရောင်(ငါးကဏ္ဍ) အရင်းမပျောက် မတည်ရန်ပုံငွေပေးအပ်ပွဲကို ယနေ့နံနက်ပိုင်းက မျှော်တော်ဦးကျေးရွာ အခြေခံပညာအလယ်တန်းကျောင်း၌ပြုလုပ်ခဲ့သည်။
ထိုသို့ ပေးအပ်ရာတွင် စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနမှ ကျေးလက်နေ ပြည်သူများအား စိုက်ပျိုးရေး၊မွေးမြူရေးလုပ်ငန်းများ လုပ်ကိုင်ရာတွင် ကုန်ထုတ်လုပ်မှုမြင့်မားလာစေရန်၊အခြားအသက်မွေးဝမ်းကျောင်းအပြင် လုပ်ငန်းများပိုမို လုပ်ကိုင်နိုင်ပြီး ကျေးလက် ဒေသဖွံ့ဖြိုး တိုးတက်လာစေရန် ရည်ရွယ်၍ မြို့နယ်ငါးလုပ်ငန်းဦးစီးမှူးဦးကြည်ဝင်းက(၆)ကြိမ်မြောက် မြစိမ်းရောင်(ငါးကဏ္ဍ)အရင်းမပျောက်မတည်ရန်ပုံငွေကျပ်(၄၆•၃၈)သန်းကိုရေလုပ်သားများအား ပေးအပ်ခဲ့သည်။
အဆိုပါအရင်းမပျောက်မတည်ရန်ပုံငွေပေးအပ်ပွဲသို့ မြို့နယ်ငါးလုပ်ငန်းဦးစီးဌာနမှူးဦးကြည်ဝင်းနှင့်ဌာနဆိုင်ရာများ၊ကျေးရွာအုပ်ချုပ်ရေးမှူးနှင့်မြစိမ်းရောင်(ငါးကဏ္ဍ)ကော်မတီဥက္ကဋ္ဌနှင့်အဖွဲ့ဝင်များ၊ရေလုပ်သားများတက်ရောက်ခဲ့ကြောင်းသိရသည်။
https://t.me/MyanmarNationalPost
No comments:
Post a Comment