MNP ၊ ဒီဇင်ဘာ ၁၀
ရခိုင်ပြည်နယ်၊ ပုဏ္ဏားကျွန်းမြို့၊ မြို့မဈေး၌ စိုက်ပျိုးရေးဦးစီးဌာနနှင့်စားသုံးသူရေးရာ ဦးစီးဌာနတို့ပူးပေါင်းကာ စိုက်ပျိုးရေးသီးနှံများအထွက်တိုးနှုန်းကို နှေးကွေးစေသည့် မြင်းပျံ အမှတ်တံဆိပ် ဓာတ်မြေဩဇာကို အခြားဓာတ်မြေဩဇာများနှင့်ရောနှောကာ ရောင်းချနေမှု ရှိ/မရှိ ကို ယမန်နေ့က ဓာတ်မြဩဇာအရောင်းဆိုင်များအား ကွင်းဆင်းစစ်ဆေးခဲ့သည်။
ထိုသို့ ကွင်းဆင်းစစ်ဆေးရာတွင် ပုဏ္ဏားကျွန်းမြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးလှမောင်အေးနှင့်စိုက်ပျိုးရေးဦးစီးဌာနမှ မြို့နယ်ဦးစီးမှူးနှင့်ဝန်ထမ်းတို့က မြို့မဈေးအတွင်း ဓာတ်မြေဩဇာအရောင်းဆိုင်များသို့ သွားရောက်၍ မြင်းပျံအမှတ်တံဆိပ် ဓာတ်မြေဩဇာအိတ်များတွင် အခြားဓာတ်မြေဩဇာများထည့်သွင်း၍ ဖြန့်ချီရောင်းချမှု ရှိ/မရှိတို့ကို ကွင်းဆင်းစစ်ဆေးခဲ့ကြရာ မြင်းပျံအမှတ်တံဆိပ်ဓာတ်မြေဩဇာ ဖြန့်ချီရောင်းချ နေသည့်ဆိုင်(လုံးဝ)မရှိကြောင်း စီစစ်တွေ့ရှိရသည်ဟု စားသုံးသူရေးရာဦးစီးဌာနမှသိရသည်။
နီထွန်းအောင်
https://t.me/MyanmarNationalPost
No comments:
Post a Comment