MNP - ဒီဇင်ဘာ ၃၁
တစ်မျိုးသားလုံးကျန်းမာကြံ့ခိုင်ရေးအတွက် ၂၀၂၂ခုနှစ် ဒီဇင်ဘာလူထုအားကစားလှုပ်ရှားမှု အထိမ်းအမှတ်စုပေါင်းလူထုလမ်းလျှောက်ပွဲကို ယနေ့နံနက် ၅း၃၀နာရီက သံတွဲမြို့ ဒွါရာဝတီတံတားဦးမှစတင်ကျင်းပပြုလုပ်ရာ ခရိုင်စီမံအုပ်ချုပ်ရေးအဖွဲ့ဥက္ကဌ ဦးမျိုးချစ်နှင့် အဖွဲ့ဝင်များ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးမောင်သာစိန်နှင့်အဖွဲ့ဝင်များ ၊ ဌာနဆိုင်ရာ ဝန်ထမ်းများ ၊ကျောင်းသားသူများနှင့် ဒေသခံပြည်သူများစုစုပေါင်း ၂၅၄ ဦးခန့် ပျော်ပျော်ရွှင်ရွှင် စည်ကားသိုက်မြိုက်စွာပါဝင်ဆင်နွဲ့ခဲ့ကြသည်။
အဆိုပါဒီဇင်ဘာလူထုအားကစားလှုပ်ရှားမှုအထိမ်းအမှတ် စုပေါင်းလူထုလမ်းလျှောက်ပွဲပါဝင် ဆင်နွှဲသူများသည် ဒွါရာဝတီတံတားဦးမှစတင်၍ သံတွဲ-တောင်ကုတ်ကားလမ်းမကြီး မြို့အထွက် ကြံတိုင်းအောင်ဆီဆိုင်ရှေ့ ထိုမှတဆင့် မြို့မအားကစားကွင်းသို့ ပျော်ပျော်ပါးပါးလမ်းလျှောက်ကြပြီး စုပေါင်းကိုယ်လက်ကြံ့ခိုင်ရေး လေ့ကျင့်ခန်း အတွဲအမှတ်(၁)၊(၂)နှင့် Physical Fitness Dance Exercises လေ့ကျင့်ခန်းများကို အားကစားနှင့် ကာယပညာဦးစီးဌာနမှ တာဝန်ရှိသူများက ဦးဆောင်၍ စုပေါင်းဆောင်ရွက် ခဲ့ကြကြောင်းသိရှိရသည်။
https://t.me/MyanmarNationalPost
No comments:
Post a Comment