MNP ၊ ဒီဇင်ဘာ ၈
မွန်ပြည်နယ်၊ပေါင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန နှင့် အခြေခံပညာဦးစီးဌာန တို့ ပူးပေါင်း၍ စာဖတ်ရှိန်မြှင့်တင်ရေး စာပေ စကားဝိုင်းကို ဒီဇင်ဘာ(၈) ရက် နေ့လယ်(၁)နာရီက ပေါင်မြို့နယ်အခြေခံပညာအထက်တန်း ကျောင်းရွှေရတု ခန်းမ ၌ကျင်းပ ပြုလုပ်ခဲ့သည်။
ရှေးဦးစွာ အထက ပေါင်ကျောင်းအုပ်ကြီး ဦးချစ်ထွေး က အမှာ စကား ပြောကြားပြီးပြန်ကြားရေးနှင့်ပြည်သူ့ဆက်ဆံ ရေးဦးစီးဌာန ဦးစီးအရာရှိ ဒေါ်တင်ဇာစိုး က ကျောင်းသားကျောင်းသူများအနေဖြင့် ကျောင်းမှ သင်ကြားပေး သည့် ပညာရပ်များ အပြင် စာအုပ်၊စာပေ လေ့လာခြင်းအားဖြင့် အသိပညာများ ဖွံ့ဖြိုးလာ၍ အမှား၊ အမှန် ဝေဖန်ပိုင်းခြားလာနိုင်ပြီး ၊ မိမိပတ်ဝန်း ကျင် အား အကျိုးပြုနိုင်မည့် လူငယ်များဖြစ်လာ မည် ဖြစ်ကြောင်းပြောကြားခဲ့သည်။
ဆက်လက်၍ (အထက) ပေါင် မှ ကျောင်းသား မောင်လင်းထက်မင်း၊မောင်အောင်ခန့်မောင်မောင်၊ကျောင်းသူ မိအိချောသွယ်၊မိဇွန်ပန်းဖြူတို့က ၎င်းတို့ ဖတ်ရှုလေ့လာထားသည့် စာပေရေးရာ အသိပညာများ အားဆွေးနွေးကြရာ တက်ရောက်လာကြသောကျောင်းသားကျောင်း သူများက သိလိုသည်များကိုမေးမြန်း ဆွေးနွေး ရာ စာပေဝါသနာရှင်များမှ ပြန်လည် ဖြေကြား ခဲ့ပြီးဆရာမဒေါ်မိလေးလေးခိုင်က ကျေးဇူးတင်စကားပြန်လည် ပြောကြားခဲ့သည်။
အဆိုပါ စာဖတ်ရှိန်မြှင့်တင်ရေးစာပေ စကားဝိုင်း ဆွေးနွေးပွဲသို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာနဝန်ထမ်းများ၊ အထက-ပေါင်ကျောင်းအုပ်ဆရာမကြီးနှင့် ဆရာ၊ဆရာမများ၊ကျောင်းသားကျောင်းသူများစုစုပေါင်းအင်အား(၃၀၀)ဦးခန့်တက်ရောက်ခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment