MNP - ဒီဇင်ဘာ ၁၇
ရခိုင်ပြည်နယ်၊ ရမ်းဗြဲမြို့၌ မြို့နယ်စီမံအုပ်ချုပ်ရေးအဖွဲ့၏ ကြီးကြပ်ဆောင်ရွက်မှုဖြင့်ဌာနဆိုင်ရာများမှ အပတ်စဉ် စနေ့နေ့တိုင်း ပြည်သူ့အကျိုးပြုလုပ်ငန်းဖြစ်သည့် မြို့ရွာ ပတ်ဝန်းကျင်များသန့်ရှင်းသာယာရေးနှင့်သောက်သုံးရေကန်များသန့်ရှင်းစေရေးအတွက် စုပေါင်းသန့်ရှင်းရေးဆောင်ရွက်ပေးလျက်ရှိရာ ယနေ့ နံနက် ၇ နာရီက ရမ်းဗြဲမြို့၊အမှတ်(၄)ရပ်ကွက်ရှိ ဒက္ခိဏာရာမဝိဟာရပရိယတ္တိစာသင်တိုက်(တောင်ကျောင်း)ရှေ့ သောက်သုံးရေကန်သန့်ရှင်းစေရေးအတွက် စုပေါင်းဆောင်ရွက်ပေးခဲ့ကြသည်။
အဆိုပါ ဆောင်ရွက်ရာသို့ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ မြို့နယ်စည်ပင်သာယာရေးအဖွဲ့ဝန်ထမ်းများ၊ ဌာနဆိုင်ရာဝန်ထမ်းများနှင့်ရပ်ကွက်အုပ်ချုပ်ရေးမှူးများ ပူးပေါင်း၍ စုပေါင်းသန့်ရှင်းရေးကိုဆောင်ရွက်ပေးကြသည်။
ထိုသို့ဆောင်ရွက်ရာတွင် ပူးပေါင်းအဖွဲ့တို့သည် ခြုံ နွယ် မြက် ပေါင်းများကိုခုတ်ထွင်ရှင်းလင်းပေးခြင်း၊ရေကန်တက်ရာလမ်းကို ရှင်းလင်းပေးခြင်းနှင့် ရေကန်ပတ်ဝန်းကျင်အနီးမှ အမှိုက်များကို ကောက်ယူသိမ်းဆည်းပေးခြင်းတို့ကိုဆောင်ရွက်ပေးကြပြီး မြက်၊ အမှိုက်များကို မြို့နယ်စည်ပင်သာယာ
ရေးအဖွဲ့၏ အမှိုက်သိမ်းယာဉ်ဖြင့် စနစ်တကျ သိမ်းဆည်းသယ်ဆောင်ပေးခဲ့ကြကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment