MNP - ဒီဇင်ဘာ ၈
မြန်မာနိုင်ငံသတင်းမီဒီယာကောင်စီသည် ကျောင်းသားလူငယ်များ သတင်းမှား၊ သတင်းမှန်ခွဲခြား သုံးသပ်နိုင်စေရန်ရည်ရွယ်ကာ ပညာရေးဝန်ကြီးဌာနနှင့်ပူးပေါင်း၍ ယမန်နေ့နံနက် ၁၀ နာရီ၌ ပုဇွန်တောင်မြို့နယ်၊ အမှတ်(၁)အခြေခံပညာအထက်တန်းကျောင်း၊ အနော်ရထာခန်းမတွင် သတင်းမှား၊ သတင်းမှန်ခွဲခြားသုံးသပ်နိုင်စေရေး အသိပညာပေးဆွေးနွေးပွဲကို ကျင်းပခဲ့ကြောင်း သိရသည်။
ထိုသို့ အသိပညာပေးဆွေးနွေးရာတွင် မြန်မာနိုင်ငံသတင်းမီဒီယာကောင်စီဥက္ကဋ္ဌ ဦးအုန်းမောင် (မြင်းမူမောင်နိုင်မိုး)၊ ဒုတိယဥက္ကဋ္ဌဦးမျိုးထွန်း(မောင်စိမ်းနောင်-လယ်ဝေး)နှင့်အတွင်းရေးမှူး ဦးအောင်ပြည့်စုံတို့မှ ကျောင်းသူ/ ကျောင်းသားလေးများကို သတင်းအမှားများကို ဝေဖန်သုံးသပ်တတ်စေရန်၊ ချင့်ချိန်ယုံကြည်တတ်စေရန်နှင့်သတင်းအမှန်ကို လက်ခံတတ်စေရန်၊ သတင်းမှားနှင့်သတင်းမှန်ကို ခွဲခြားသုံးသပ်နိုင်စေရန် အသိပညာပေး ဆွေးနွေးဟောပြောခဲ့ကြသည်။
ထို့နောက် မြန်မာနိုင်ငံသတင်းမီဒီယာကောင်စီမှ စာအုပ်စာစောင်များ ပေးအပ်လှူဒါန်းရာ မြို့နယ်ခေတ္တပညာရေးမှူး ဦးသိန်းထွန်းအောင်မှ လက်ခံရယူခဲ့ပြီး ကျေးဇူးတင်စကားပြောကြားကာ အခမ်းအနားကို ရုပ်သိမ်းခဲ့ကြောင်း သတင်းရရှိသည်။
သတင်း - ဟန်စုယဉ်
မြန်မာနေရှင်နယ်ပို့စ်
No comments:
Post a Comment