MNP ၊ ဒီဇင်ဘာ ၄
စစ်ကိုင်းတိုင်းဒေသကြီး၊ ကန့်ဘလူမြို့နယ်၊ ရွက်ကြမ်းအုပ်စု၊ မြကန်သာကျေးရွာတွင် ယနေ့ နံနက်ပိုင်းက ပြည်သူ့စစ်သင်တန်းဆင်းပွဲ ကျင်းပခဲ့ကြောင်း သိရသည်။
သင်တန်းဆင်းပွဲတွင် ဆရာတော်ဦးဝါသဝ (ငါးရာငါးဆယ်ဆရာတော်) က "အနီအစိမ်းမခွဲခြားပဲ မိမိကျေးရွာ မိမိဒေသ မိမိတို့၏နိုင်ငံတော်ကို မပျက်စီးရအောင် စည်းလုံးညီညွတ်စွာဖြင့် ညီညီညွတ်ညွတ်နဲ့ တိုင်းပြည်နဲ့ လူမျိုး ဘာသာ သာသနာတော်ကို စော်ကားပြီး လူသတ်အကြမ်းဖက်လုပ်နေတဲ့ လူယုတ်မာ အကြမ်းဖက်PDF ဘေးရန်း အန္တရာယ်ကင်းဝေးစေရန် ပူးပေါင်းကာကွယ်ကြရန်" သြဝါဒမိန့်ကြားခဲ့ကြောင်း သိရသည်။
ကန့်ဘလူ၊ တန့်ဆည်၊ ကျွန်းလှမြို့နယ်များတွင် ဆရာတော် ဦးဝါသဝ က လိုက်လံစည်းရုံး၍ အကြမ်းဖက် PDF ဘေးအန္တရာယ် ကာကွယ်ရေး ပြည်သူ့စစ်တပ်ဖွဲ့ဝင်များ တိုးချဲ့ဖွဲ့စည်းလျက်ရှိရာ အကြမ်းဖက်လုပ်ရပ်များကို မလိုလားသည့် ကျေးရွာများက ပူးပေါင်းပါဝင်လာပြီး ပြည်သူ့စစ် အင်အားကောင်းလာသည်နှင့်အမျှ ဒေသတည်ငြိမ်အေးချမ်းလာကြောင်း သိရသည်။
ယနေ့ သင်တန်းဆင်းပွဲတွင် ပြည်သူ့စစ်တပ်ဖွဲ့ဝင်များက စစ်ရေးပြအလေးပြုခြင်း၊ နိုင်ငံတော်သီချင်း သီဆိုဂုဏ်ပြုခြင်းနှင့် ပြည်သူ့စစ်တပ်ဖွဲ့ဝင်များ၏ အကြမ်းဖက်အန္တရာယ်ကာကွယ်ရေး အောင်မြင်မှု ရရှိစေရန် ရွာသူရွာသားများက အောင်သပြေကမ်း၍ ကြိုဆိုဂုဏ်ပြုခဲ့ကြသည်။
https://t.me/MyanmarNationalPost
No comments:
Post a Comment