MNP - ဒီဇင်ဘာ ၅
စစ်ကိုင်းတိုင်းဒေသကြီး၊ ယင်းမာပင်ခရိုင်၊ ယင်းမာပင်မြို့၌ ခရိုင်စီမံအုပ်ချုပ်ရေးအဖွဲ့၏ ကြီးကြပ်ဆောင်ရွက်မှုဖြင့် ၇၅ နှစ်မြောက် စိန်ရတုလွတ်လပ်ရေးနေ့ အထိမ်းအမှတ် အားကစားပြိုင်ပွဲများ ကျင်းပလျက်ရှိကြောင်း သိရသည်။
"စိန်ရတုလွတ်လပ်ရေးနေ့ အထိမ်းအမှတ်အဖြစ် ဒီဇင်ဘာလ ၃ ရက်နေ့မှစတင်ပြီး အမျိုးသမီး ဘောလီဘောပြိုင်ပွဲ ကျင်းပပေးပြီး ဖြစ်ပါတယ်။ ဒီနေ့မှာတော့ အမျိုးသားဘော်လီဘောပြိုင်ပွဲများ ဆက်လက်ယှဉ်ပြိုင် ကစားနေကြပါတယ်။ မီနီမာရသွန်ပြိုင်ပွဲ၊ ပိုက်ကျော်ခြင်းပြိုင်ပွဲ၊ အပြေးပြိုင်ပွဲများ၊ အိတ်စွပ်ပြိုင်ပွဲ၊ အပ်ထိုးပြိုင်ပွဲ စားပွဲတင် တင်းနစ်ပြိုင်ပွဲ၊ စစ်တုရင်ပြိုင်ပွဲနဲ့ အခြားအားကစားပြိုင်ပွဲများကိုလည်း သတ်မှတ်ရက်အတိုင်း ဆက်လက် ကျင်းပပေးသွားမှာဖြစ်ပါတယ်" ဟု မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးမျိုးမင်းသန့်ကပြောသည်။
အဆိုပါအားကစား ပြိုင်ပွဲများတွင် ခရိုင်/မြို့နယ်အဆင့် ဌာနဆိုင်ရာများမှ ဝန်ထမ်းများ၊ မြို့ပေါ်ရပ်ကွက်များမှ ပြည်သူများ ပါဝင်ယှဉ်ပြိုင်ကြပြီး ဆုရရှိသူများအား လွတ်လပ်ရေးနေ့ အခမ်းအနားတွင် ဆုများချီးမြှင့်ပေးသွားမည်ဖြစ်ကြောင်း သိရှိရသည်။
မြန်မာနေရှင်နယ်ပို့စ်
No comments:
Post a Comment