MNP - ဒီဇင်ဘာ ၁၇
ပဲခူးတိုင်းဒေသကြီး အုတ်တွင်းမြို့နယ်၌ နွေစပါးစိုက်တောင်သူများ စိုက်ပျိုးရေရရှိရေး၊ အထွက်နှုန်းတိုးတက်စေရေးနှင့် ဆည်မြောင်းမှ ရေလွှတ်ပေးနေမှုအခြေအနေများကို ယမန်နေ့ နံနက်ပိုင်းက မြို့နယ်စီမံအုပ်ချုပ်ရေးအဖွဲ့နှင့် ဌာနဆိုင်ရာတာဝန်ရှိသူများ ကွင်းဆင်းစစ်ဆေးသည်။
အဆိုပါ ကွင်းဆင်းဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ မြို့နယ်စိုက်ပျိုးညှိနှိုင်းရေးအဖွဲ့၊ မြို့နယ်ဆည်မြောင်းဦးစီးဌာနနှင့် သက်ဆိုင်ရာတာဝန်ရှိသူများ သွားရောက်ကြပြီး မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီက နွေစပါးစိုက်တောင်သူများ စိုက်ပျိုးရေရရှိရေး၊ အထွက်နှုန်းတိုးတက်စေရေး၊ ဆည်မြောင်းမှ ရေစတင်လွှတ်ပေးမှုအခြေအနေနှင့် ရေပေးမြောင်းရေရောက်ရှိမှု အခြေအနေများကို ကြည့်ရှုစစ်ဆေးကာ ဌာနဆိုင်ရာ တာဝန်ရှိသူများနှင့် လိုအပ်သည်များ ပေါင်းစပ်ညှိနှိုင်း ဆောင်ရွက်ပေးသည်။
အုတ်တွင်းမြို့နယ်အနေဖြင့် ၂၀၂၁-၂၀၂၂ ဘဏ္ဍာနှစ်တွင် စိုက်ပျိုးဧက ၂၈၆၆၂ ဧက စိုက်ပျိုးနိုင်ခဲ့ပြီး ယခု ၂၀၂၂-၂၀၂၃ဘဏ္ဍာနှစ်အတွက် ၂၉၁၂၁ ဧက နွေစပါးတိုးချဲ့စိုက်ပျိုးနိုင်ရန် လျာထားဆောင်ရွက်လျက်ရှိကြောင်း မြို့နယ်စိုက်ပျိုးရေးဦးစီးဌာနမှ သိရသည်။
သတင်း - အေမင်းရည်စော
မြန်မာနေရှင်နယ်ပို့စ်
No comments:
Post a Comment