MNP - ဒီဇင်ဘာ ၃၁
ပဲခူးတိုင်းဒေသကြီး၊ သာယာဝတီခရိုင်၊လက်ပံတန်း မြို့နယ်တွင်(၇၅)နှစ်မြောက် စိန်ရတုလွတ်လပ်ရေးနေ့ကို ကြိုဆိုဂုဏ်ပြုသောအားဖြင့် ကျေးလက်ရေရရှိရေး စက်ရေတွင်းဖွင့်ပွဲကို ယနေ့ နံနက် ၉ နာရီက ပန်းတိမ်စုကျေးရွာအုပ်စု သက္ကယ်ကုန်းကျေးရွာ၌ ကျင်းပခဲ့သည်။
ရှေးဦးစွာ လက်ပံတန်းမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဘုန်းလှိုင်က အဖွင့်အမှာစကားပြောကြားပြီး၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ လက်ထောက်ညွှန်ကြားရေးမှူး ဦးသက်စိုးက ကျေးလက်ရေရရှိရေး စက်ရေတွင်းတူးဖော်ခြင်းလုပ်ငန်းများကို ရှင်းလင်းပြောကြားကာ သက္ကယ်ကုန်းကျေးရွာမှ ရပ်မိရပ်ဖဦးကြည်အေးက ကျေးဇူးတင်စကားပြန်လည်ပြောကြားခဲ့သည်။
ထို့နောက် မြို့နယ်စီမံအုပ်ရေးအဖွဲ့ဥက္ကဋ္ဌ ဦးဘုန်းလှိုင်နှင့် တာဝန်ရှိသူများက စက်ရေတွင်းအား ဖဲကြိုးဖြတ်ဖွင့်လှစ်ပေးသည်။
အဆိုပါ စက်ရေတွင်းကို ကျေးလက်ဒေသဖွံ့ဖြိုးတိုးတက်ရေးဦးစီးဌာန ၂၀၂၂-၂၀၂၃ခု ဘဏ္ဍာရေးနှစ်အတွင်း တိုင်းဒေသကြီး ခွင့်ပြုရန်ပုံငွေ ကျပ် ၁၆၅ သိန်းဖြင့် မင်္ဂလာရွှေသွန်းကုမ္ပဏီမှ ၄လက္မခွဲ တွင်းတိမ် တူးဖော်၍ OVPC ၂၀၀ပေ ဂါလံ ၅၀၀၀ ဆံ့ရေစုကန် ဆိုလာရေတင်စနစ်တပ်ဆင်ပေးခဲ့ခြင်းဖြစ်ပြီး သက္ကယ်ကုန်းကျေးရွာ အိမ်ထောင်စု တစ်ရာအတွက် သောက်သုံးရေဖူလုံမှုရရှိကြောင်း မြို့နယ်ကျေးလက်ဒေသဖွံ့ဖြိုးရေးဦးစီးဌာနမှ သိရသည်။
https://t.me/MyanmarNationalPost
No comments:
Post a Comment