MNP - ဒီဇင်ဘာ ၁၇
ရခိုင်ပြည်နယ်၊ ရသေ့တောင်မြို့နယ်တွင် ကိုဗစ်-၁၉ရောဂါ ကာကွယ်ဆေးမည်သည့် အမျိုးအစားကိုမဆို နှစ်ကြိမ် (သို့) သုံးကြိမ်ထိုးနှံထားပြီးသူများကို MyanCopharm ကိုဗစ်-၁၉ရောဂါ ကာကွယ်ဆေးကို ယမန်နေ့နံနက်(၁၀)နာရီအချိန်က ထပ်ဆောင်းထိုးနှံပေးလျက်ရှိကြောင်း သိရှိရပါသည်။
အဆိုပါ ကိုဗစ်-၁၉ရောဂါ ကာကွယ်ဆေး (MyanCopharm)ကို ကျန်းမာရေးဝန်ကြီးဌာနက ထုတ်ပြန်ထားသည့် ကိုဗစ်-၁၉ရောဂါ ကြိုတင်ကာကွယ်ရေးလမ်းညွှန်ချက်များနှင့်အညီ မြို့နယ်ပြည်သူ့ကျန်းမာရေးဝန်းထမ်းများက ထိုးနှံပေးလျက်ရှိသည်။ ကိုဗစ်-၁၉ ရောဂါကာကွယ်ဆေး ထပ်ဆောင်းထိုးနှံခြင်းကို နောက်ဆုံးအကြိမ် ကိုဗစ်ကာကွယ်ဆေးထိုးထားပြီး (၆)လပြည့်ပြီးသူများကို မြို့မစုရပ် (မြို့နယ်ဆေးရုံ)၊ ကူတောင်စုရပ်(RHC)၊ စေတီပြင်စုရပ်(RHC)၊ လောင်းချောင်းစုရပ် (RHC)၊ ဘာထလေစုရပ် (RHC)၊ အငူမော်စုရပ်(S/C) တို့၌ ၂၀၂၂ ခုနှစ် ဒီဇင်ဘာလအတွင်း ထိုးနှံပေးသွားမည်ဖြစ်ပြီး ဆေးထိုးနှံရန်လာရောက်သူများအား ကိုယ်ပူချိန်တိုင်းတာခြင်းနှင့် ကျန်းမာရေးစစ်ဆေးမှုများ ဆောင်ရွက်ပေးခဲ့ကြောင်း သိရသည်။
သတင်း - ထွန်းလင်းကျော်
မြန်မာနေရှင်နယ်ပို့စ်
No comments:
Post a Comment