MNP ၊ ဒီဇင်ဘာ ၁၇
မွန်ပြည်နယ်၊ ပေါင်မြို့နယ်ရဲတပ်ဖွဲ့ဝင်များ က ကျောင်းသား/သူများအား ယာဉ်စည်းကမ်း၊လမ်းစည်းကမ်းဆိုင်ရာ အသိပညာပေးဟောပြောခြင်းကို ယမန်နေ့က အခြေခံပညာကျောင်းများ၌ ကျင်းပပြုလုပ်ခဲ့သည်။
ထိုဟောပြောပွဲတွင် ရဲအုပ်အောင်သူရဝင်း၊ရဲအုပ်သန်းဇော်၊ရဲအုပ်ကျော်မောင်ချေတို့က (အလက) သဲဖြူကုန်း၊(အလက)သပြုချောင်၊(အထက)အလှပ်ကျောင်းများ၌ ယာဉ်စည်းကမ်း၊ လမ်းစည်းကမ်းဆိုင်ရာ ဥပဒေများ၊ ပြစ်မှုပြစ်ဒဏ်များနှင့် ကျောင်းသား/သူများသိသင့်သည့် ယာဉ်စည်းကမ်း၊လမ်းစည်းကမ်းများကိုသိရှိပြီး လိုက်နာကြစေရေး၊ ယာဉ်မတော်တဆမှုများ လျော့နည်းကျဆင်းစေရေး ဆောင်ရန်/ရှောင်ရန်အချက်များတို့ကို အကျယ်တဝင့် ရှင်းလင်း ဟောပြောရာ ကျောင်းသား/သူများက သိလိုသည်တို့ကို ပြန်လည်မေးမြန်းဆွေးနွေးခဲ့ကြသည်။
အဆိုပါဟောပြောပွဲတွင် အခြေခံပညာကျောင်းများမှ ကျောင်းအုပ်ကြီး နှင့် ဆရာ/ဆရာမများ၊ ကျောင်းသား/သူများ တက်ရောက်ခဲ့ကြပြီး ယာဉ်စည်းကမ်း၊ လမ်းစည်းကမ်းဆိုင်ရာ အသိပညာပေး လက်ကမ်းစာစောင်များကို အခမဲ့ဝေငှပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment