NMP - ဒီဇင်ဘာ ၃၀
မြန်မာနိုင်ငံတစ်ဝှမ်းလုံးရှိ ပြည်သူများအနေဖြင့် လက်သင်္ကေတပြ ဘာသာစကားကို ကျယ်ကျယ်ပြန့်ပြန့် သိရှိစေရန်နှင့် အကြားအာရုံချိုတဲ့သူများ၏ သဘာဝကိုနားလည်ပြီး တတ်နိုင်သမျှကူညီစောင့်ရှောက်မှုများ ဆောင်ရွက် ပေးနိုင်စေရန်အတွက် ရည်ရွယ်၍ လူမှုဝန်ထမ်းဦးစီးဌာန၏ စီစဉ်မှုဖြင့် ယနေ့နံနက်ပိုင်းအချိန်က ရန်ကုန်မြို့ တာမွေ မြို့နယ် အိုးစု(၃)လမ်းရှိ နားမကြားသောကလေးများကျောင်း(ရန်ကုန်)တွင် လက်သင်္ကေတပဘာသာစကား သင်တန်း ကို ကျန်းမာရေးဝန်ကြီးဌာနမှ ထုတ်ပြန်ထားသည့် ကိုဗစ်-၁၉ရောဂါ ကြိုတင်ကာကွယ်ရေး လမ်းညွှန်ချက်များနှင့်အညီ ဖွင့်လှစ်သင်ကြားပို့ချပေးလျက်ရှိကြောင်း သိရသည်။
အဆိုပါသင်တန်း၌ အကြားအာရုံချိုတဲ့သူများနှင့် ပြောဆိုဆက်ဆံရာတွင် ဆောင်ရန်/ရှောင်ရန်အချက်များ၊ လူမှု ပတ်ဝန်းကျင်တွင် လက်သင်္ကေတပြ ဘာသာစကားကို အသုံးပြုပြီး အကြားအာရုံချိုတဲ့သူများကို တတ်နိုင်သမျှ ကူညီ စောင့်ရှောက်ပေးမှု နည်းလမ်းများအား မြို့နယ်အဆင့်ဌာနဆိုင်ရာဝန်ထမ်းများ၊ ပရဟိတအသင်းဝင်များနှင့် နားမကြား သော ကလေးငယ်များ၏ မိဘအုပ်ထိန်းသူများ စုစုပေါင်း သင်တန်းသူ/သား (၃၁)ဦးကို ယနေ့မှစ၍ (၃)ရက်ကြာ သင်ကြားပို့ချပေးသွားမည်ဖြစ်ကြောင်း သတင်းရရှိပါသည်။
နိုင်လင်းအောင်
https://t.me/MyanmarNationalPost
No comments:
Post a Comment