MNP - ဒီဇင်ဘာ ၁
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် ၂၀၂၂-၂၀၂၃ပညာသင်နှစ်တွက် မြို့နယ်အဆင့် ဘက်စုံထူးချွန် ကျောင်းသား၊ ကျောင်းသူများကို စိစစ်ရွေးချယ်လျက်ရှိရာ ယမန်နေ့နံနက် ၇နာရီက ကိုယ်ကာယကြံခိုင်မှု စစ်ဆေးရွေးချယ် ခြင်းကို မြို့နယ်အားကစားကွင်း၌ ယှဉ်ပြိုင်လျက်ရှိကြောင်း သိရသည်။
ထိုသို့ ကိုယ်ကာယကြံ့ခိုင်မှု စိစစ်ရွေးချယ်ရာတွင် မြို့နယ်ပညာရေးမှူးရုံးမှ တာဝန်ရှိသူများ၊ တာဝန်ကျ ဆရာ၊ ဆရာများ၏ ကြီးကြပ်မှုဖြင့် အထက(မိုင်းဖြတ်)၊ အထက(ဟိုနား)၊ အလက(ပါဆန်း)တို့မှ ကျောင်းသား၊ ကျောင်းသူ (၁၄)ဦးတို့ မီတာ(၁၀၀)အပြေး၊ ကျား မီတာ(၈၀၀)၊ မ မီတာ(၄၀၀)၊ လက်မောက်တွန်းတင်၊ အိပ်ထမတင်၊ ရပ်လျက်အလျားခုန်တို့ကို ဝင်ရောက် ယှဉ်ပြိုင်ခဲ့ကြသည်။
မိုင်းဖြတ်မြိုနယ်တွင် ၂၀၂၂-၂၀၂၃ပညာသင်နှစ်အတွက် ဘက်စုံထူးချွန်ကျောင်းသား၊ ကျောင်းသူများ စိစစ်ရွေးချယ်ရာတွင် Grade(11)၄ဦး၊ Grade(10) ၄ဦး၊ Grade(9) ၆ ဦး စုစုပေါင်း ကျောင်းသား၊ ကျောင်းသူ (၁၄)ဦး ဝင်ရောက်ယှဉ်ပြိုင်ခဲ့ကြပြီး မြို့နယ်အဆင့်တွင် ရွေးချယ်ခံရသူများကို ခရိုင်အဆင့်တွင် ဆက်လက်ယှဉ် ပြိုင်သွားမည်ဖြစ်ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment