MNP - နိုဝင်ဘာ ၃၀
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် ကိုဗစ်-၁၉ ကာကွယ်ထိန်းချုပ်ရန် အတွက် ကာကွယ်ဆေးထိုးနှံလျက်ရှိရာ နိုဝင်ဘာ ၃၀ ရက်နေ့နံနက်ပိုင်းက မြို့နယ်ပြည်သူ့ ဆေးရုံ၌ ပြည်သူများအား ကိုဗစ်-၁၉ ရောဂါထပ်ဆောင်းကာကွယ်ဆေးများ ဆက်လက်ထိုးနှံပေးလျက်ရှိကြောင်း သိရသည်။
ထိုသို့ ကာကွယ်ဆေး ထိုးနှံပေးခြင်းကို မြို့နယ်စီမံအုပ်ချုပ်ရေးအဖွဲ့ကြီးကြပ်၍ မြို့နယ် ဆရာဝန်ကြီး ဒေါက်တာ ဝင်းဇော်ဌေး ဦးဆောင်သော ပြည်သူ့ကျန်းမာရေးဝန်ထမ်းများက ကျန်းမာရေးစစ်ဆေးပေးပြီး ကိုဗစ်-၁၉ ကာကွယ်ရေးလမ်းညွှန်ချက်များနှင့်အညီ စနစ်တကျထိုးနှံပေးကြသည်။
ထို့အပြင် ကိုဗစ်-၁၉ ရောဂါကာကွယ်ဆေး ပထမအကြိမ်နှင့် ဒုတိယအကြိမ် ထိုးနှံရမည့် ဦးတည်အုပ်စုတွင်ပါဝင်သည့် ပြည်သူများအား ထိုးနှံပေးလျက်ရှိကြောင်း သိရသည်။
သတင်း - မျိုးဝင်းညို
မြန်မာနေရှင်နယ်ပို့စ်
No comments:
Post a Comment