MNP - ဒီဇင်ဘာ ၂၇
ပေါက်တောမြို့(Working Group) မြေပြင်ကွင်းဆင်းစာရင်းကောက်ယူရေး ကြီးကြပ်မှုကော်မတီ မြို့နယ်အဆင့် သင်တန်းဖွင့်ပွဲကို ယနေ့ နေ့လယ် ၁ နာရီတွင် မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ဖွင့်လှစ်ကြောင်းသိရသည်။
အဆိုပါ သင်တန်းဖွင့်ပွဲ အခမ်းအနားတွင် မြို့နယ်အထွေထွေအုပ်ချုပ်ရေးဦးစီးဌာန မှ ဒုတိယမြို့နယ်အုပ်ချုပ်ရေးမှူး ဦးရဲအောင် က အဖွင့်အမှာစကားပြောကြားပြီး မြို့နယ် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ မြို့နယ်ဦးစီးမှူး ဦးစောထွန်းဖြူက အိမ်ထောင်စုလူဦးရေစာရင်းမြေပြင် ကွင်းဆင်းကောက်ယူရမည့် လုပ်ငန်းစဉ်များ၊ သင်တန်းဆိုင်ရာများ ရှင်းလင်းပြောကြားသည်။
အဆိုပါ သင်တန်းကို ပေါက်တောမြို့နယ်အတွင်းရှိ ရပ်ကွက်ကျေးရွာအုပ်စုအုပ်ချုပ်ရေးမှူးများနှင့်ရပ်ကျေးစာရေးများ စုစုပေါင်း ၁၇၄ ဦး တက်ရောက်ကြပြီး အိမ်ထောင်စုလူဦးရေစာရင်းမြေပြင်ကွင်းဆင်းစာရင်းကောက်ယူရေးလုပ်ငန်းများကို ပေါက်တောမြို့နယ်၌ ၅၈ ဖွဲ့ ဖွဲ့စည်းထားရှိကြောင်းမြို့နယ်လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှသိရသည်။
https://t.me/MyanmarNationalPost
No comments:
Post a Comment