MNP - ဒီဇင်ဘာ ၁၉
ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရှိ လူထုအခြေပြုဗဟိုဌာန(Community Centre)တွင် စာအုပ်စာပေချစ်မြတ်နိုးသူများအသင်း (Book Club)အဖွဲ့ဝင်များဖြင့် စာဖတ်ဝိုင်းကို ယနေ့နံနက်ပိုင်းက ကျင်းပပြုလုပ်ခဲ့သည်။
အဆိုပါစာဖတ်ဝိုင်းတွင် ပြည်ထောင်စုနယ်မြေ၊ နေပြည်တော်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညွှန်ကြားရေးမှူးဒေါ်သင်းသင်းဇင်က စာဖတ်ဝိုင်းကျင်းပရခြင်း ရည်ရွယ်ချက်များကို ရှင်းလင်းပြောကြားကာ စာရေးဆရာ "မောင်နေမျိုး"ရေးသားသော "စာပေခရီး နီးနီးဝေးဝေး"စာအုပ်အား ဦးဆောင်ဆွေးနွေးသည်။ ထို့နောက် စာရေးဆရာမမေချို(ပျဉ်းမနား)၊ စာရေးဆရာခိုင်မင်း(နေပြည်တော်)၊ စာရေးဆရာမောင်မောင်တာ(သဘာဝ)နှင့် တက်ရောက်လာကြသော Book Club အဖွဲ့ဝင်များ၊ စာပေဝါသနာရှင်များက စာရေးဆရာ "မောင်နေမျိုး"ရေးသားသော "စာပေခရီးနီးနီးဝေးဝေး" စာအုပ်မှ စာပေလှုပ်ရှားမှုနှင့် စာပေအရောင်ဆိုးသူ၊ မဂ္ဂဇင်းတို့အလယ် မျက်နှာငယ်၊ စာပင်လယ်မှာ စုန်တစ်ချီဆန်တစ်လှည့်၊ စာပေဘဝ၏အချိုးအကွေ့များ၊ စာအုပ်ပူပူနွေးနွေးဖတ်ရခြင်း စသည့်ခေါင်းစဉ်များကို ဆွေးနွေး ခဲ့ကြသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပျဉ်းမနားမြို့နယ်ရုံးအနေဖြင့် ပြည်သူများ အသိပညာဗဟုသုတ ရရှိစေရန်အတွက် Online မှတစ်ဆင့် အသိပညာပေးအစီအစဉ်များကိုလည်း စဉ်ဆက်မပြတ် ဆောင်ရွက်ပေးလျက်ရှိကြောင်း သိရသည်။
မျိုးသီဟ
https://t.me/MyanmarNationalPost
No comments:
Post a Comment