MNP - ဒီဇင်ဘာ ၂၆
ရခိုင်ပြည်နယ် မာန်အောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၊ လူထုအခြေပြု ဗဟိုဌာန (Community Centre) ခန်းမ၌ ယနေ့ မွန်းလွဲ ၁နာရီခွဲက စာရေးဆရာ အောင်သင်းရေးသားသည့်``ကိုယ့်ကိုယ်ကိုယ်ပြဋ္ဌာန်းခြင်း´´စာအုပ်ဖြင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ရုံးဝန်ထမ်းများက စာဖတ်ဝိုင်းပြုလုပ်ခဲ့သည်။
အဆိုပါ စာဖတ်ဝိုင်းတွင် မြို့နယ်ဦးစီးအရာရှိ ဦးရန်ငြိမ်းမှ ဝန်ထမ်းများ စာပေဖတ်ရှုခြင်း၏ အကျိုးကျေးဇူးနှင့် စာပေဖတ်ရှုသည့် အလေ့အထ ကောင်းများရရှိစေရန်၊စာဖတ်ဝိုင်း ကျင်းပရခြင်း ရည်ရွယ်ချက်များအား ရှင်းလင်းပြောကြားပြီးနောက် စာရေးဆရာအောင်သင်းရေးသားသည့်``ကိုယ့်ကိုယ်ကိုယ်ပြဋ္ဌာန်းခြင်း´´စာအုပ်ပါအကြောင်းအရာများနှင့်မိတ်ဆက် ရှင်းလင်းပြောကြားသည်။
ထို့နောက် ဝန်ထမ်းများက စာအုပ် ခေါင်းစဥ်ပါအကြောင်းအရာတစ်ခုချင်းစီ ဖတ်ကြားပြီး နားလည်မှုများအား အသိဗဟုသုတမျှဝေ၍ အပြန်အလှန် ရှင်းလင်းဆွေးနွေး အမြင်ချင်းဖလှယ်ခဲ့ကြကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment