MNP - ဒီဇင်ဘာ ၄
တနင်္သာရီတိုင်းဒေသကြီး၊ မြိတ်ခရိုင်၊ တနင်္သာရီမြို့နယ်၌ ၂၀၂၂-၂၀၂၃ ပညာသင်နှစ် အခြေခံပညာမူလတန်းအဆင့် (Grade-5) သင်ရိုးသစ် မြို့နယ်အဆင့် အလုပ်ရုံဆွေးနွေးပွဲကို ယမန်နေ့ နံနက်(၉)နာရီအချိန်က မြို့နယ်ပညာရေးမှူးရုံး အစည်းအဝေးခန်းမတွင် ကျင်းပပြုလုပ်ခဲ့သည်။
အလုပ်ရုံဆွေးနွေးပွဲတွင် တနင်္သာရီမြို့နယ် ပညာရေးမှူး ဦးခင်ဇော်က အဖွင့်အမှာစကား ပြောကြားပြီး၊ ဒုတိယပညာရေးမှူး ဦးခင်အေးနှင့် ဦးမျိုးမြတ်ဦးတို့က အလုပ်ရုံဆွေးနွေးပွဲ ပြုလုပ်ရခြင်း၏ ရည်ရွယ်ချက်နှင့် အခြေခံပညာမူလတန်းအဆင့် (Grade-5) သင်ရိုးသစ် စာမေးပွဲဆိုင်ရာ ကိစ္စရပ်များကို ရှင်းလင်း ပြောကြားပါသည်။
ဆက်လက်၍သက်ဆိုင်ရာ ဘာသာရပ်သင် ဆရာ၊ ဆရာမများက သက်ဆိုင်ရာဘာသာရပ်များအလိုက် စာမေးပွဲလုပ်ငန်းဆိုင်ရာ၊ မေးခွန်းလုပ်ငန်းဆိုင်ရာ ကိစ္စရပ်များကို ဆွေးနွေးခဲ့ပါသည်။
အဆိုပါ အလုပ်ရုံဆွေးနွေးပွဲကို တနင်္သာရီမြို့နယ်အတွင်းရှိ အခြေခံပညာကျောင်းများမှ ဘာသာရပ်သင် ဆရာ၊ ဆရာမ(၈၀)ဦးခန့် တက်ရောက်ကြကြောင်း သိရသည်။
သတင်း - သီသီခိုင်
မြန်မာနေရှင်နယ်ပို့စ်
No comments:
Post a Comment