MNP - နိုဝင်ဘာ ၁၉
ရခိုင်ပြည်နယ်၊သံတွဲခရိုင် ၊သံတွဲမြို့နယ်တွင် လူငယ်များအချိန်ကိုတန်ဖိုးရှိစွာအသုံးပြုတတ်စေရန်နှင့် လူစွမ်းအားအရင်းအမြစ်ဖွံဖြိုးတိုးတက်စေရန်ရည်ရွယ်၍ GTI ကျောင်းသား ကျောင်းသူများအား ကျောင်းပိတ်ရက် စနေ၊တနင်္ဂနွေ နေ့များတွင်ဝင်ငွေရရှိစေသည့် အလုပ်အကိုင်အခွင့်အလမ်းများကို ဆောင်ရွက်ပေးလျက် ရှိကြောင်းသိရသည်။
ထိုသို့ဆောင်ရွက်ပေးနေမှုများကို ခရိုင်စီမံအုပ်ချုပ်ရေးအဖွဲ့ဥက္ကဌ ဦးမျိုးချစ်၊ စင်တော်ကောက် စက်သုံးဆီလုပ်ငန်းရှင် ဦးသိန်းရွှေတို့သည် ယမန်နေ့ မွန်းလွဲ ၃ နာရီက လုပ်ငန်းဆောင်ရွက်နေသည့် GTI ကျောင်းသား ကျောင်းသူများအား လှည့်လည်ကြည့်ရှု၍ အားပေးစကားပြောကြားခဲ့သည်။
အဆိုပါလုပ်ငန်းကိုသံတွဲမြို့၊ စင်တော်ကောက်စက်သုံးဆီလုပ်ငန်းရှင် ဦးသိန်းရွှေ ကဦးစီးဆောင်ရွက် လျက်ရှိကြောင်းနှင့်လူငယ်များအနေဖြင့်ကျောင်းပိတ်ရက်များတွင် စင်တော်ကောက်၊ ကျော်စံစက်သုံးဆီ အရောင်းဆိုင်နှင့် K2 စားသောက်ဆိုင်များတွင်လုပ်ငန်းဝန်ဆောင်မှုပေးခြင်းဖြင့် ဝင်ငွေရရှိလျက်ရှိပါသည်။ အားလပ်ရက်တွင်ဝင်ငွေရှာဖွေခြင်းလုပ်ငန်းကို ၂၀၁၉ ခုနှစ်ကပင်စတင် ဆောင်ရွက်နေခြင်း ဖြစ်ပြီး Covid-19 ရောဂါကြောင့်ရပ်နားထားခဲ့ရာမှယခုနှစ်အောက်တိုဘာလတွင် ပြန်လည်ဆောင်ရွက်ခြင်းဖြစ်ကြောင်း ၊ယခုလိုကူညီဆောင်ရွက်ပေးရခြင်းမှာ အသက်(၁၈)နှစ်ပြည့်ပြီးသူ ကျောင်းသား၊ကျောင်းသူများ အနေဖြင့်အားလပ်ရက်တွင် အလုပ်လုပ်သောအလေ့အထမှအစပြုကာ အချိန်ပိုင်းအလုပ်လုပ်နိုင်သော အခြေအနေသို့ ရောက်ရှိလာနိုင်ပြီး မိဘများအနေဖြင့်လည်းသားသမီးများအတွက် ပညာသင်စရိတ် ဝန်ထုပ်ဝန်ပိုးများလျော့နည်းကာနိုင်ငံတော်၏ ကုန်ထုတ်လုပ်မှုလည်းမြင့်မားတိုးတက်လာစေရန် နှင့် နိုင်ငံ့သားကောင်းရတနာလေးများပေါ်ထွက်လာရေး မျှော်လင့်ဆောင်ရွက်ပေးခြင်းဖြစ်ကြောင်း ဦးသိန်းရွှေ (စင်တော်ကောက်)မှပြောကြားခဲ့သည်။
ttps://t.me/MyanmarNationalPost
No comments:
Post a Comment