MNP ၊ ဒီဇင်ဘာ ၁၇
ကျေးဇူးရှင် အဘိဓဇမဟာရဋ္ဌဂုရုရွှေကျင်သာသနာပိုင် သီတဂူအဓိပတိဆရာတော်ဘုရားကြီးနှင့် အဖွဲ့သည် အိန္ဒိယနိုင်ငံ၊ ဂယာမြို့ရှိ Buddha International Welfare Mission ကျောင်းတည်ထောင်သူ Venerable B.Ayiyapala Bhikkhu ၏ ဖိတ်ကြားချက်အရ ကြွရောက်ချီးမြှင့်ခဲ့ကြောင်း သိရသည်။
International Buddhist Monk Training School ကြောငျးသို့ (၃:၁၅)နာရီတွင် ထိုကျောင်းသို့ရောက်ရှိခဲ့ပြီး Ven. B. Ayiyapala Bhikkhu နှင့်ကျောင်းရှိသံဃာတော်များ၊ ကိုရင်လေးများမှ နွေးထွေးစွာကြိုဆိုဂါရဝပြုကြသည်။
ထို့နောက် သီတဂူအဓိပတိဆရာတော်ဘုရားကြီးကို ဩကာဿ ကန့်တော့ချိုးဖြင့် ရှိခိုးကန့်တော့ကြပြီး သီတဂူအဓိပတိဆရာတော်ဘုရားကြီးမှ ဩဝါဒမိန့်ကြားခဲ့သည်။
သီတဂူအဓိပတိဆရာတော်ဘုရားကြီးမှ ကျောင်းတိုက်တာဝန်ခံဆရာတော် Ven. B. Ayiyapala Bhikkhu ကို သာသနာတော်အတွက် ကိုရင်လေးများသည် အရေးကြီးကြောင်း၊ ကိုရင်လေးများမှ ရဟန်းဘဝသို့၊ ရဟန်းဘဝမှသည် ကမ္ဘာ့သာသနာပြုအကျော်များအဖြစ်သို့ ရောက်နိုင်အောင်ပြုစုပျိုးထောင်ပေးပြီး မင်္ဂလာသုတ်၊ မေတ္တာသုတ်၊ မဟာဗုဒ္ဓဝင်၊ ပရာဘဝသုတ်များ သင်ကြားပေးရန် မိန့်ကြားခဲ့ကြောင်း သိရသည်။
ထို့နောက် အမှတ်တရစုပေါင်းဓာတ်ပုံရိုက်ကူးကြပြီး ညနေ (၄:၀၀)နာရီတွင် International Buddhist Monk Training School မှ မဟာဗောဓိပရဟိတကျောင်းသို့ ပြန်လည်ကြွရောက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment