MNP ၊ ဒီဇင်ဘာ ၂၁
ပြည်သူများ ခရီးသွားလာမှု လွယ်ကူအဆင်ပြေစေရေးနှင့် ကုန်စည်စီးဆင်းမှု မြန်ဆန်စေရေးအတွက် ရထားလမ်းပိုင်းအသီးသီးတွင် လူစီးရထားများ ပြေးဆွဲပေးလျက်ရှိရာ ပြင်ဦးလွင် - ဂုပ်ထိပ် - ပြင်ဦးလွင် (အသွား/အပြန်) ခရီးစဉ်အား ဒီဇင်ဘာ ၂၂ ရက်နေ့မှ စတင်၍ နေ့စဉ်ပြေးဆွဲပေးသွားမည်ဖြစ်ကြောင်း သိရသည်။
ပို့ဆောင်ရေးနှင့် ဆက်သွယ်ရေးဝန်ကြီးဌာန မြန်မာ့မီးရထားအနေဖြင့် မန္တလေး - လားရှိုးလမ်းပိုင်းရှိ ပြင်ဦးလွင် - ဂုပ်ထိပ် အပိုင်းတွင် ပြည်တွင်းမှ ခရီးသွားလာမည့် ခရီးသွားပြည်သူများ၊ နိုင်ငံခြားသား ခရီးသွားလာသူများအား သမိုင်းဝင် ဂုပ်ထိပ်တံတားကြီးအား လေ့လာကြည့်ရှုနိုင်ရန်၊ လမ်းခရီးရှိ ရေမြေတောတောင် သဘာဝရှုခင်းများ လေ့လာကြည့်ရှုနိုင်ရန်၊ ရှမ်းပြည်နယ်အတွင်းရှိ ဒေသခံပြည်သူများနှင့် ချစ်ကြည်ရင်းနှီးမှု ရရှိစေရန်နှင့် ဒေသန္တရဗဟုသုတများ ရရှိစေရန် ရည်ရွယ်၍ ပြင်ဦးလွင် - ဂုပ်ထိပ် (အသွား/အပြန်) ခရီးစဉ်အား ဒီဇင်ဘာ ၂၂ မှ စတင်၍ နေ့စဉ်ပြေးဆွဲမည်ဖြစ်ကြောင်း သိရသည်။
ထိုသို့ ပြေးဆွဲရာတွင် RBE ရထားဖြင့် ပြင်ဦးလွင်ဘူတာမှ နံနက် ၈နာရီခွဲတွင် ထွက်ခွါ၍ ဂုပ်ထိပ်ဘူတာသို့ မွန်းလွဲ ၁နာရီတွင် ရောက်ရှိပြီး ဂုပ်ထိပ်ဘူတာမှ မွန်းလွဲ ၂နာရီတွင် ပြန်လည်ထွက်ခွာရာ ပြင်ဦးလွင် ဘူတာသို့ ညနေ ၅ နာရီတွင် ပြန်လည်ရောက်ရှိမည်ဖြစ်သည်။
အဆိုပါ RBE ရထားသည် ခရီးသည် ၄၀ ဦး လိုက်ပါနိုင်ပြီး ပွဲကောက်၊ ဝက်ဝံ၊ ဆမ်ဆယ်၊ နောင်ချို ဘူတာတို့တွင် ရပ်တန်ပေးမည်ဖြစ်ပြီး လက်မှတ်ခ နှုန်းထားအနေဖြင့် တစ်ဦးလျှင် ခရီးစဉ် အစ/အဆုံး ငွေကျပ် ၃၅၀၀ နှုန်းဖြင့် ပြေးဆွဲပေးသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment