MNP - ဒီဇင်ဘာ ၁၉
မွန်ပြည်နယ်၊ ဘီးလင်းမြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီး ဌာနရုံးရှိ လူထုအခြေ ပြုဗဟိုဌာန Community Crntre ခန်းမတွင်ပြန်ကြားရေး နှင့်ပြည်သူ့ ဆက်ဆံ ရေးဦးစီးဌာနနှင့် မြို့နယ်ရဲတပ်ဖွဲ့တို ပူးပေါင်း၍ ဒီဇင်ဘာ (၁၈)ရက် နံနက် (၁၀)နာရီ က လူကုန်ကူးမှုဆိုင်ရာ အသိပညာပေး Talk Show ဆွေးနွေးပွဲကို ကျင်းပ ပြုလုပ်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့် ပြည်သူ့ ဆက်ဆံရေးဦးစီးဌာနမှ ဦးစီးအရာရှိ ဒေါ်အေးမျိုးမျိုးစံက လူကုန်ကူးမှုဆိုင်ရာ အသိပညာပေး Talk Show ပြုလုပ်ရခြင်းရည်ရွယ်ချက်က်ုရှင်းလင်းပြောကြားသည်။ ထို့နောက် ဘီးလင်းမြို့နယ်ရဲတပ်ဖွဲ့မှ ရဲအုပ် ရှိုင်းလင်းထက် က လူကုန်ကူးမှူ၏အဓိပ္ပါယ်၊ လူကုန်ကူးမှုဖြစ်စေနိုင်သည့်အကြောင်းအရင်း၊ လူကုန်ကူးမှုခံရနိုင်သူများနှင့် လူကုန်ကူးမှု ကျူးလွန်ပါက ကျခံရမည့် ပြစ်မှု၊ ပြစ်ဒဏ်များကို ဆွေးနွေး ခဲ့ ကြောင်းသိရသည်။
ဘီးလင်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုကဲ့သို့ အသိပညာပေး Talk Show ဆွေးနွေးပွဲအစီအစဉ် များ ရိုက်ကူး ထုတ်လွှင့်ခြင်းအပါအဝင် စာသင်ကျောင်းများနှင့် ပြည်သူ အသိပညာပေး ဝန်ဆောင်မှုလုပ်ငန်းများကို စဉ်ဆက်မပြတ် ဆောင်ရွက် လျှက်ရှိကြောင်း သိရသည်။
ထူးနောင် ဘီးလင်း
https://t.me/MyanmarNationalPost
No comments:
Post a Comment